Japoniya jäne Qıtay basşıları. Foto: CNBC.com.

Japoniya Sırtqı ister ministri Kavano Taro osıdan birneşe kün bwrın jasağan mälimdemesinde, Japoniyanıñ AQŞ, Japoniya, Australiya jäne Ündistan elderi arasındağı strategiyalıq dialogqa qol jetkizuge tırısıp jatqanın ayttı. Bwl dialogtar Oñtüstik Qıtay teñizi jäne Ündistannan tartıp Afrika qwrlığınıñ şığısına deyingi teñiz-mwhit aumağındağı erkin saudanı jebeu jäne teñiz qauipsizdik salasındağı ıntımaqtastıq turalı bolatının atap ötti.

Atalğan eldiñ «Japoniya ekonomika jañalıqtarı» attı basılımında Sırtqı ister ministri dialogti bastap ketkenin aytadı. Tamız ayında Australiya, AQŞ jäne japon eliniñ SİM ökilderi kezdesken kezde bwl mäsele turalı keñesken. Al, aldağı uaqıtta AQŞ prezidenti Şığıs Aziya elderine saparlay barmaq. Sol uaqıtta Japoniya prem'er-ministri Şinzo Abe (Shinzo Abe) tört eldiñ strategiyalıq dialogın ortağa salmaq eken. Bwl wsınıstı Tramp jılı qabıldaydı dep kütilude.

Tört eldiñ strategiyalıq dialog josparın alğaş ret 2016 jılı Japoniya prem'eri Şinzo Abe wsınğan. Ol osı ıntımaqtastıq arqılı Ündi mwhitın qauipsiz jäne erkin de aşıq sauda-sattıq alañı etudi wsınğan. Strategiyalıq dialogtıñ negizderiniñ biri - erkin saudanı damıtu. Kavano Taro mırza sözinde: «Bwl Aziyadan Afrikağa joğarı deñgeyli infraqwrılımdı investiciyalauğa mümkindik beredi. Sol arqılı elderdiñ damuımen birge azamattardıñ jaña erkin älemge bastaydı», – degen bolatın.

Japoniyanıñ jüzege asıruğa barınşa tırısıp jatqan bwl josparı, Qıtaydıñ «Bir beldeu, bir jol» bağdarlamasınıñ Aziyadağı birden bir qarsılası deuge boladı. Tört eldiñ arasındağı strategiyalıq dialog jüzege asıp, Oñtüstik Qıtay teñizinen tartıp Afrikağa deyingi sauda jolı atalğan tört elge qaraytın bolsa, Qıtaydı bwğaulap tastağanmen birdey. Qıtaydıñ Oñtüstik Aziyadan ötetin teñiz jolındağı ıqpalı älsireytin bolsa, onda ol şartsız türde «Bir beldeuden» bas tartıp, «Bir jol» bağdarlamasına küş saluı da mümkin. Bwl Qazaqstanmen tikeley qatıstı geosayasi oyın bolmaq.

“The Qazaq Times”