Foto: humanrightsturkey.org

Türkiyada Amnesty International bükilälemdik qwqıq qorğau wyımınıñ qızmetkerleri türmeden bosatıldı. Olardı kütip aluğa jinalğan köp qoldauşınıñ qolında "Erkin qwqıq qorğauşılar" degen jazbalar boldı. Olar "Türkiyada memlekettik töñkeris jasauğa talpınıs oqiğasına qatısı bar" dep ayıptalğandardıñ qwqığın qorğap, Ükimettiñ äreketin ayıptağanı üşin abaqtığa jabılğan bolatın. 

Olarğa Fethullah Gyulenmen baylanısı bar, Kürdistannıñ jwmısşı partiyasımen sıbaylas degen ayıptar tağılğan. Negizgi qoyılğan kinä - "qoğamda beybereketsizdik tudıruğa tırısqan" äreketteri. Däl osınday ayıppen 2013 jılı Türkiyada köterilis wyımdastırğandar da jazağa kesilgen edi.

Qwqıq qorğau wyımınıñ ökilderi öz jwmıstarın qayta jalğastıratındarın eskertti. Olar şındıq üşin küresu "qılmıs" emes dep wrandattı. Olardıñ aytuınşa, äli de türmede otırğan qanşama jurnalister men qoğam belsendileri bar. Olardıñ bar ayıbı qazirgi Ükimetpen közqarastarınıñ qayşılığı ğana. Amnesty International adamdardıñ barlığı sayasi közqarastarı men oylarınıñ ärtürli bolğanına qaramastan teñ qwqıqqa ie boluı kerek ekenin atap ötti. Olar 1998 jılı qazirgi Prezident Rejep Tayıp Erdoğannıñ abaqtığa tüsken kezinde onı qoldağan top bolğanın aytıp, osı mısal arqılı onıñ bilik basında bolmağan kezinde de köpşilik qoldauın aluğa qwqılı bolğanı qazirgi basşılıqtan alıs adamdardıñ da däl sonday qwqıqqa qol jetkizui kerektigin körsetti.

“The Qazaq Times”