فوتو: humanrightsturkey.org

تۇركيادا Amnesty International بۇكىلالەمدىك قۇقىق قورعاۋ ۇيىمىنىڭ قىزمەتكەرلەرى تۇرمەدەن بوساتىلدى. ولاردى كۇتىپ الۋعا جينالعان كوپ قولداۋشىنىڭ قولىندا "ەركىن قۇقىق قورعاۋشىلار" دەگەن جازبالار بولدى. ولار "تۇركيادا مەملەكەتتىك توڭكەرىس جاساۋعا تالپىنىس وقيعاسىنا قاتىسى بار" دەپ ايىپتالعانداردىڭ قۇقىعىن قورعاپ، ۇكىمەتتىڭ ارەكەتىن ايىپتاعانى ءۇشىن اباقتىعا جابىلعان بولاتىن. 

ولارعا فەتحۋللاح گيۋلەنمەن بايلانىسى بار، كۇردىستاننىڭ جۇمىسشى پارتياسىمەن سىبايلاس دەگەن ايىپتار تاعىلعان. نەگىزگى قويىلعان كىنا - "قوعامدا بەيبەرەكەتسىزدىك تۋدىرۋعا تىرىسقان" ارەكەتتەرى. ءدال وسىنداي ايىپپەن 2013 جىلى تۇركيادا كوتەرىلىس ۇيىمداستىرعاندار دا جازاعا كەسىلگەن ەدى.

قۇقىق قورعاۋ ۇيىمىنىڭ وكىلدەرى ءوز جۇمىستارىن قايتا جالعاستىراتىندارىن ەسكەرتتى. ولار شىندىق ءۇشىن كۇرەسۋ "قىلمىس" ەمەس دەپ ۇرانداتتى. ولاردىڭ ايتۋىنشا، ءالى دە تۇرمەدە وتىرعان قانشاما جۋرناليستەر مەن قوعام بەلسەندىلەرى بار. ولاردىڭ بار ايىبى قازىرگى ۇكىمەتپەن كوزقاراستارىنىڭ قايشىلىعى عانا. Amnesty International ادامداردىڭ بارلىعى ساياسي كوزقاراستارى مەن ويلارىنىڭ ءارتۇرلى بولعانىنا قاراماستان تەڭ قۇقىققا يە بولۋى كەرەك ەكەنىن اتاپ ءوتتى. ولار 1998 جىلى قازىرگى پرەزيدەنت رەجەپ تايىپ ەردوعاننىڭ اباقتىعا تۇسكەن كەزىندە ونى قولداعان توپ بولعانىن ايتىپ، وسى مىسال ارقىلى ونىڭ بيلىك باسىندا بولماعان كەزىندە دە كوپشىلىك قولداۋىن الۋعا قۇقىلى بولعانى قازىرگى باسشىلىقتان الىس ادامداردىڭ دا ءدال سونداي قۇقىققا قول جەتكىزۋى كەرەكتىگىن كورسەتتى.

“The Qazaq Times”