AQŞ Memlekettik hatşısı Reks Tillerson Ündistanda. Foto: WSJ.

AQŞ Memlekettik hatşısı Reks Tillersonnıñ Ündistanğa saparı kezinde AQŞ pen Ündistan ekijaqtı ıntımaqtastıqtı nığaytuğa, aymaqtıq qauipsizdikti qamtamasız etuge jäne basqa elderdiñ terroristterge qarsı küresine qoldau beruge uağdalastı. Bwl turalı «The Wall Street Journal» basılımı habarladı.

Ündistan Sırtqı ister ministri Suşma Svaradj AQŞ pen Ündistan birlese otırıp Auğanstanmen aymaqtıq twraqtılıqtı nığaytuğa bağıttalğan kelissözder jürgizudi josparlap otırğanın mälimdedi. Sonımen birge Qwrama Ştat pen Ündistan taraptarı Päkistannıñ el territoriyasında terroristerge baspana beruin şwğıl türde toqtatuğa küş saluğa kelisken.

AQŞ pen Ündistan taraptarınıñ mälimetine sensek, Päkistan jaq Auğanstan jäne özge de körşiles elderge şabuıl jasap otırğan terrorlıq toptardıñ panalauına orın berip, olardıñ terroristik äreketterine qoldau berip otır. Alayda, bwl aytılğandardı Päkistan ükimeti joqqa şığarğan bolatın.

Särsenbi küni ötken kelissözderde Ündi mwhitınıñ su alabın qorğauda Ündistannıñ rölin barınşa arttırudı, bwl üşin atalğan elge ozıq äskeri qaru-jaraq beru turalı talqı bolğan. Oğan qosa, Ündistannıñ Japoniya sekildi Aziyalıq odaqtas eldermen bolğan qarım-qatınasın tipti de nığayta tüsu taqırıptarı söz bolğan.

“The Qazaq Times”