Foto: 24smi.org

Reseylik oppozicioner, aldağı Prezident saylauına ümitker Aleksey Naval'nıy bostandıqqa şıqtı. Osığan deyin ol beybit şeruler ötkizu turalı zañdı bwzdı degen ayıppen abaqtığa jabılğan bolatın. Saylaualdı kampaniyasına qayta oralğan qoğam belsendisi turalı APF aqparattıq agenttigi jazdı. 

Ol öziniñ Instagram paraqşasına "Sälem! Men bostandıqtamın" dep jazdı. Keyinnen onıñ jeke fotografı Naval'nıydıñ äriptesterimen kezdesu sätinen suretter jariyaladı. Sonday-aq reseylik oppozicioner Astrahan'da alañğa jinalğan 300 adammen kezdesip, öz sözinde: "Bizge özimizdi mazaq etetin osınday bilik qajet pe? Osı sebepti de men öz kandidaturamdı wsınıp otırmın", - dedi.

Aleksey Naval'nıy biılğı jılı zañsız qoğamdıq şeruler wyımdastırğanı üşin 2 ret (15 kün jäne 25 kün merzimge) türmege jabıldı. Onıñ soñğı ret abaqtıda bolğan kezinde oppozicionerdiñ qoldauşıları Kreml'ge jaqın jerdegi köpirge "Putinnen qwtılıp, Naval'nıydı saylaytın uaqıt keldi" degen banner ilip ketken.

Aleksey Naval'nıy Prezidenttik saylauğa tüsuge kandidaturasın wsınğan jaña ümitker Kseniya Sobçak turalı äli eşqanday pikir bildirgen joq. Degenmen onıñ saylauğa qatısu ıqtimaldılığı turalı qaueset taray bastağan kezde Naval'nıy onı "Kreml'diñ las oyınına" balap, Putinniñ qalauımen ädeyi qatarğa qosılıp otırğan "jalğan ümitker" dep atağan edi. Äkesi Anatoliy Sobçak Sankt-Peterburg qalasınıñ meri jäne Vladimir Putinge jaqın adamdardıñ biri bolğan Kseniya özin "barlıq tarapqa qarsı" azamat dep esepteydi. Ol Aleksey Naval'nıyğa osığan deyin tağılğan ayıptardıñ saldarınan, onıñ  2024 jılğa deyin saylauğa qatısa almay qalu qaupiniñ joğarı ekendigine qaramastan, oppozicionerdi ümitkerler tiziminen tüsirmeuge barın salatının jetkizdi.

Vladimir Putin 2018 jıldıñ naurız ayında bolatın Prezidenttik saylauğa qatısatının äli rastağan joq. Degenmen sarapşılar onıñ qatısıp, 2024 jılğa deyin tağı da 6 jıldıq merzimge lauazımın saqtap qalatını turalı boljamdardı jii aytadı.

“The Qazaq Times”