Bwğan deyin de eki el arasında şekaralıq kelisimder jüzege asqan. Foto:blogs.tribune.com.pk.

Päkistannıñ Gauder portında ötken ekijaqtı Ortaq şekara komissiyasınıñ otırısında Iran men Päkistan arasında şekara-qauipsizdik kelisimine qol jetkizgen. Bwl turalı «Pars-Aqparat» agenttigi men «Anatolı» aqparat agenttikteri habarladı.

Eki eldiñ şekara qauipsizdik jöninde arnayı komissiyasınıñ 21-şi retki mäjilisi Gauder portında ötkizildi. Kezdesu otırısında eki elge ortaq şekaralar, şekara qauipsizdigi, köşi-qon jäne sauda-sattıq taqırıptarı qarastırıldı. Nätijesinde şekara attağan esirtki saudası men terrorizm jäne zañsız köşi-qonğa birlese küres jürgizu jöninde ortaq mämilege kelgen.

Kelisim boyınşa, Päkistan men Iran Islam Respublikası arasında şekara qauipsizdigin ortaq qorğau, terrorizm jäne esirtki saudasına birlese küres jürgizu turalı ıntımaqtastıq jasastı. Äri eki taraptıñ şekaralıq sauda-sattıq isterin kedergisiz jürgizu turalı arnayı bağdarlamalar qabıldandı.

“The Qazaq Times”