Foto: inosmi.ru

AQŞ-tıñ memlekettik hatşısı Reks Tillerson Donal'd Tramptıñ Soltüstik Koreyağa qatıstı pikiri men Amerikanıñ sırtqı sayasatındağı diplomatiyanıñ röli turalı oyın bildirdi. Ol öziniñ diplomatiyalıq äreketteri  birinşi bomba tastalğanşa jalğasa beretinin habarladı. Bwl turalı CNN aqparattıq agenttigi jazdı. 

Amerikanıñ memlekettik hatşısı öz sözinde Donal'd Tramptıñ tvitter paraqşasındağı diplomatiyalıq kelissözderden payda joqtığı turalı jazbalarına qaramastan, ol soğıstıñ bolğanın qalamaytının jetkizdi. "Prezident diplomatiyanı jön köretinin mağan jeke habarladı. Ol soğıstı qalamaydı", - dedi ol.

Osıdan bwrın Reks Tillerson Pioñyañda baylanıstarı bar ekenin, Soltüstik Koreya men AQŞ arasında kelissözder bastaluına qol jetkzetinin aytqan bolatın. Memlekettik hatşı mälimdemesiniñ artınşa Donal'd Tramp tvitter paraqşasına: "Tillerson KHDR-men kelisemin dep, öziniñ küşin bosqa sarp etip jür", - dep jazıp edi.

“The Qazaq Times”