Putin Ankarada. Foto: Wikimedia Commons.

Resey prezidenti Vladimir Putin keşe resmi saparmen Ankarağa barıp, Türkiya prezidenti Rejep Tayıp Erdoğannıñ qabıldauında boldı. Eki el basşılarınıñ bwl kezdesui turalı osıdan eki apta bwrın belgili bolğan edi. Kezekti kezdesu barısında eki el arasındağı mañızdı taqırıptar talqılandı, dep habarladı «Türik tele-radio» qızmetiniñ resmi saytı.

Putinnıñ Türkiyağa saparı barısındağı eñ bastı taqırıp, Resey, Türkiya jäne Iran arasında Süriya mäselesin talqılau. Üş el birlese otırıp, Süriyanıñ qaqtığıssız aymaqtarındağı jağdaylardı retke saludı qolğa alatını belgili boldı. Mwndağı mañızdı mäseleniñ biri Aleppodan qaşqan azamattardıñ köbirek jinalğan Idlib jağdayı bolıp otır.

Kezdesu kün tärtibinde Irak kürdteriniñ referendum isi de söz etildi. Kürdistan avtonomiyasınıñ täuelsizdigine Resey de qarsılıq bildirdi. Erdoğan men Putin bir auızdan Kürdistannıñ täuelsizdikke jetui öñirdegi «Islam memleketi» wyımınan keyingi ekinşi soğıs tudıruşı boladı dep qaradı.

Türik eliniñ aqparattıq qwraldarı habarlauınşa, Putin pen Erdoğannıñ kezdesuinde bwl aytılğandardan özge, S-400 qorğanıs jüyesin satu-satıp alu isi jäne Resey gazın Türkiya arqılı Europa elderine ötkizu mäseleleri, sonday-aq Akkuyu Atom elektr stanciyası qwrlısı qatarlı ister de otırıstıñ özekti taqırıbında bolğan.

“The Qazaq Times”