Foto: ria.ru

Meksikada 300-ge juıq adamnıñ ömirin qiıp, birqatar ğimarattardıñ qwlauına sebep bolğan 7.1 balldıq jer silkinisinen keyin 5 kün boyı jalğasıp kele jatqan üyindilerdiñ astında qalğan adamdardı izdestiru jwmıstarınıñ nätijesi köñil quantpay otır. Alğaşqı üş kün işinde 69 adam tiri küyinde qwtqarılsa, jwmadan beri tek öli deneler tabılıp jatır. Bwl turalı APF aqparattıq agenttigi jazdı. 

Jer silkinisinen zardap şekken janwyalardıñ ötinişi boyınşa qalanıñ ärtüli audandarında izdestiru jwmıstarın jürgizuge memlekettiñ qwtqaru qızmetinen bölek, AQŞ, Japoniya siyaqtı elder jibergen mamandar, arnayı jattıqtırılğan itter jäne joğarı tehnologiyalıq qwraldardı paydalanıp jatır.

Osı senbide eldiñ oñtüstik böliginde bolğan 6.1 balldıq jer silkinisi kezinde tağı 3 adam qaza tauıp, aldıñğı apattan eseñgiregen halıqtıñ üreyin aldı. Jergilikti halıq Meksikada 1985 jılı bolğan jer silkinisin äli wmıta qoyğan joq. Ol kezde apat saldarınan 10 mıñ adam qaza tapqan bolatın. Degenmen otbası müşelerin qwlağan ğimarattar astında joğaltıp alğan jandar 1985 jılı arağa bir apta salıp, tas üyindiniñ astınan tiri tabılğandar turalı añızdarğa süyenip, äli de ümit üzbey otır. Al sarapşılar, apattan keyin üş kün ötse, üyindiniñ astınan tiri adamdı arşıp alu ıqtimaldılığı tömen ekenin aytadı.

“The Qazaq Times”