Avtobanda jasalğan jarılıs. Foto: menzelphoto.photoshelter.com.

Özderin «Islam memleketi» atağan terrorlıq wyımnıñ Irakqa bağıttalğan soñğı qan tögisti şabuıldarınan kem degende 74 adam qaza taptı. Bwl elde şilde ayında tämamdalğan Mosuldı qaytarıp alu şayqasınan keyingi eñ ülken qandı şabuıl boldı. Bwl turalı Franciyanıñ basılımdarına silteme jasay otırıp, «Şinlañ» aqparattıq saytı jazdı.

Francuz aqparat qwraldarınıñ 14 qırküyek küni habarında, sol küni Iraktıñ Zikal provinciyasındağı terrorlıq şabuıldan qaza tapqandar sanınıñ  äli künge deyin belgisiz ekenin, biraq keminde 74 adam qaytıs bolğanın, onıñ işinde Iran azamattarınıñ bar ekenin de habarlağan bolatın. Şabuıldı «Islam memleketi» öz moynına alğan.

Irak qauipsizdik taraularınıñ mälimetine säykes, terrorlıq şabuıl 14 qırküyek küni tüs äletinde, atalğan provinciyadağı bir meyramhanada bolğan. Avtomatpen qarulanğan birneşe terrorist meyramhanağa basıp kirip, oq jaudırğan. Bwdan keyin şabuıldauşılar avtokölikke otırıp, qauipsizdik küşteri ornalasqan ğimarat mañına kelgende kölikterindegi jarılğıştı iske qosqan. Al şabuıldıñ tağı biri avtobanda körşiles irandıq qajılar jäne turister şoğırlanğan orınnıñ mañında jasaldı.

Şetel jäne Irak aqparat közderiniñ habarına qarağanda, «Islam memleketi» terrorlıq wyımı küz aylarında Irakqa bağıttalğan seriyalıq şabuıldardı josparlap otır. Bwl terrorlıq wyımnıñ Mosul şayqasında jeñilis tabuına baylanıstı bergen jauabı delingen.

“The Qazaq Times”