Soltüstik Koreya eñ joğarı basşısı Kim Joñ Un. Foto: The Wall Street Journal.

Bügin tañerteñ Soltüstik Koreya tağı bir märte zımıran sınağın ötkizip, wşırğan zımıranı Japoniyanıñ keñistiginen ötken.  Oñtüstik Koreya men japon ükimeti osılay habarladı. Bwl KHDR-nıñ osı aydıñ bas şenindegi yadrolıq sınağınan keyin ötkizip otırğan tağı bir arandatu äreketi dep qaraldı. Bwl turalı «The Wall Street Journal» basılımı jazıp otır.

Japoniyamen Habar-baylanıs departamentter mälimdeuinşe, zımıran sol eldiñ jergilikti uaqıtımen tañğı sağat 7 şamasında wşırılğan. 10 minuttan keyin eldiñ Hokkaydo aralınan wşıp ötip, Tınıq mwhitına qwlağan. Zımırannan zardap şekkender turalı mälimet joq.

Bwl Soltüstik Koreyanıñ bir ayğa jetpeytin uaqıt işinde ekinşi zımırandı Japoniya keñistiginen wşıruı. Aldınğı zımıran sınağı 29 tamız küni bolğan. 3 qırküyek küni Soltüstik Koreya öziniñ altınşı retki yadrolıq jerastı sınağın ötkizdi.

Japoniya ükimetiniñ ökilderi mälimdeme jasap "Soltüstik Koreyanıñ jalğastı zımıran sınağın jasauına töze almaytının, bwl jolı eñ qatañ ayıptau jasaytının" ayttı.

Oñtüstik Koreya ükimeti de mälimdeme taratıp, bwl zımırandı wşıru alañı Soltüstik Koreyanıñ ortalıq qalasına jaqın mañda ornalastırılğanın, aldınğı retki zımıran sınağı da sol orında jasalğanın habarladı. Olar Wlttıq qauipsizdik konferenciyasın aştı jäne KHDR wşıru alañın oqşaulau üşin teñizdegi zımırandardı iske qosu jattığuın ötkizdi.

Oñtüstik Koreya jaqtıñ bergen mälimetine süyener bolsaq, kezekti wşırğan zımıran 3700 şaqırımğa deyin wşqan. Maksimaldı biiktigi – 770 km. Zımıran Hokkaydonıñ oñtüstik böliginen şığısqa qaray 2 000 şaqırım jerdegi Tınıq mwhitına tüsken.

Düysenbi küni BWW Qauipsizdik Keñesi yadrolıq sınaqtardan keyin, KHDR-nıñ altınşı yadrolıq sınaqtarına jauap retinde, sol elge  qarsı jaña sankciyalar qabıldadı. Soltüstik Koreya sonday-aq, sutegi bombası kontinentaralıq ballistikalıq zımıran mümkindikterimen jabdıqtalğan dep mälimdedi.

“The Qazaq Times”