Foto: BBC.com

Kitap – janıñdı tazartatın, tüsindiruden jalıqpaytın eñ sabırlı wstaz dep jatadı. Osı qağidanı balabaqşadan JOO-na deyingi aralıqtağı bilim aluşılardıñ barlığına üyretedi. Biri eskerse, biri eskere bermeydi. «Är qazaq oquğa tiis 50 kitap» nemese «Är student oquğa tiis 100 kitap» jobaların bilemiz. AQŞ-ta osığan wqsas «Balabaqşağa deyin 1000 kitap» jobası bar eken. Balabaqşağa büldirşin ärip tanuğa baradı emes pe degen tañdanısımızdı jasıra almadıq. Dese de nätije bar!

Daliya Mari Arana – AQŞ-tıñ Geynsvill qalasınıñ tört jasar twrğını. Onıñ oqığan kitaptarınıñ tizimi  mıñnan asadı eken. Kitapqwmarlığınıñ arqasında Daliyağa Kongresstegi kitaphanada «bir künge kitaphanaşı» bolu mümkindigi  tudı.

Kongress kitaphanasında

Daliyanıñ äkesiniñ aytuınşa, bir jasına tolar kezinde ärip tanıp, oqıp üyrengen. Qızınıñ kitaptağı sözderdi «kemirip» otıratındığın bayqağan anası, oğan «balabaqşağa deyin 1000 kitap» jobasına qatısıp körudi wsınğan. Ğarıştıq jıldamdıqpen qızdarınıñ ädebietterdi meñgerip şığatınına eşkim senbegen. Qızdarı äli 4-ke de tolmağan, wsınılğan 1000 kitaptı oqıp, eşkim oylamağan belesti bağındırğan.

Osınday jetistikterin estigennen keyin,  Arana otbasın tügel Kongresske şaqırıp, kitaphanasına sayahat jasatqan. AQŞ-ta atalmış kitaphanada kitaphanaşı bolu – abıroylı qızmet, ülken jauapkerşilikti talap etedi. Daliyağa kitaphanaşınıñ ornına bir kün qızmet etuge wsınıs jasağan. Osınday erekşe sıy-qwrmetke ie bolğan Daliyağa jaraysıñ deymiz! 4 emes, 40 jasında da osınşama kitap oqımağan qanşa halıq bar. Tek qwlşınısıñ odan sayın artıp, kitapqa degen mahabbatı suımasın!

Qorıtındı ornına, biz de elimizde osınday äsempazdıqpen emes, jasampazdıqpen közge tüsetin aqıldılardıñ köp bolğanın qalaymız. «Adamdar kitap oqığandar jäne kitap oqitındardı tıñdaytındar dep ekige bölinedi» degendi estip edik. Bizdiñ elde alğaşqısı köp bolatın şığar. Solay bolsa eken...

«The Qazaq Times»