Esepteudi baqılaytın qwral.

Qazaqstanda mwnay önimderin öndiru, onı saqtau jäne ötkizu nısandarında esepteudi baqılaytın qwraldı ornatu mwnay salasın qwldıratıp jiberui mümkin.   Astana qalasında "Atameken" Wlttıq käsipkerler palatasınıñ ökilderi osı jüyeni jüzege asırudağı tüytkildi mäselelerdi talqılau maqsatında jiın ötkizdi.

Jiınğa qatısqan «In Oil LTD KZ» JŞS bas direktorınıñ orınbasarı YUliya Jernakova esepteudi baqılaytın qwraldı täjiribe jüzinde körsete otırıp, onı engizudiñ tehnikalıq jäne qarjılıq twrğıdan paydası tömen ekenin tüsindirdi. Onıñ aytuınşa, bwrınğı täsil oñtaylı äri şağın avtojanarmay qwyu stanciyaları üşin qarjılıq jağınan qolaylı eken.

«Atameken»  WKP töralqa müşesi, Mwnay-gaz önerkäsibi komitetiniñ törağası Daniyar Abılğazin men «In Oil LTD KZ» JŞS bas direktorınıñ orınbasarı YUliya Jernakova

«Eñ bastısın atap körsetken jön, bwl jañalıqtı engize otırıp janarmaydıñ är litrine qosımşa qarjılıq üsteme salınadı, yağni benzin bağası qımbattaydı», - dep atap ötti YUliya Jernakova.

Al «Atameken»  WKP töralqa müşesi, Mwnay-gaz önerkäsibi komitetiniñ törağası Daniyar Abılğazin Astanadağı janarmay qwyu stanciyaları men mwnay bazalarında osınday mäsele bolsa, onda öñirlerdegi jetkizuşilerge bwl jüyeni qabıldau tipti qiınday tüsetinin atap ötti.

Biznes ökilderi bwl mäseleniñ qarjılıq jağına da alañdaulı. Sebebi esepteudi baqılaytın qwraldardı ornatu qımbat, şığınğa wşıratıp, tipti mwnay bazaları men şağın janarmay qwyu stanciyalarınıñ jabıluına äkep soğuı mümkin.

«Şağın jäne orta bizneske osı qwraldardı ornatudan basqa da mäsele köp. Mına jüyeni ornatu şağın janarmay qwyu stanciyaların jabuğa itermeleui mümkin, olar mınaday somanı kötere almaydı», - dedi «Atameken» QR WKP basqarma törağasınıñ orınbasarı Eldos Ramazanov.

«Qazaqstan Otın qauımdastığı» ZTB aqparatına süyensek, bir mwnay bazasına atalğan jüyeni ornatuğa (mısalı, 26 tik jäne 10 köldeneñ rezervuar) keminde 120 mln teñge kerek, al bir avtojanarmay qwyu stanciyası üşin ortaşa alğanda 5 mln teñge jwmsaladı eken. Al bwl qarajatqa nısandı qayta jobalau men qwrılıs jwmıstarına ketetin uaqıt pen jwmıs küşiniñ şığını engizilmegen. Sonımen qatar jüyeni engizgennen keyin biznes sub'ektileri esepteudi baqılaytın qwraldı ornatu boyınşa şığındı öteuden bölek, mälimetter ötkizu jüyesine qızmet körsetu boyınşa operaciyalıq şığındarğa qarajat bölu kerek boladı, onıñ özi birşama somanı qwrauı ıqtimal.

Osılayşa jiınğa qatısqandar bwl mäselede adal biznesti qoldaytının jäne büginde adal käsipkerler janar-jağarmay materialdarınıñ jetkizilui turalı tolıq aqparattı berip otırğanın ayttı.

"Memlekettik organdar jasırınıp jwmıs istep otırğandarmen küresu üşin biznes-qoğamdastıqqa esepteudi baqılaytın qwraldı ornatu sekildi jappay salmaq tüsiretin emes, basqa mehanizmderdi oylastıruı qajet», - dedi Eldos Ramazanov.

Sonday-aq, jiınğa qatısuşılar 2018 jıldıñ qañtarınan bastap joğarıda atalğan mäselelermen qatar, mwnay önimderin jetkizude de qiındıq tuuı mümkin ekenin alğa tarttı. Sondıqtan osı mäseleni tübegeyli şeşken jön, ne bolmasa osı esepteudi baqılaytın qwraldardı ornatudan müldem bas tartqan abzal ekenin atap ötti.

“The Qazaq Times”