Foto: Reuters

Halıqaralıq "Save the Children" qayırımdılıq qorı Gaza sektorındağı 1 million bala ömir süruge qajetti qarapayım mümkindikterden tıs qalıp otırğanın jetkizdi. Wyımnıñ ökilderi: "Gaza sektorındağı balalar öte auır jağdayda ömir sürip jatır" dep mälimdedi. Bwl turalı Al-Jazeera aqparattıq agenttigi jazdı. 

Qayırımdılıq wyımınıñ keltirgen derekterine säykes, Gaza sektorı mañındağı teñiz suınıñ 60 payızı qaldıq sularmen lastanğan, su resurstarınıñ 90 payızı adam balası işuge jaramsız.

Ağımdağı jıldıñ säuir ayınıñ ortasınan bastap, HAMAS pen Palestina Prezidenti Mahmwd Abbastıñ arasındağı salıqqa baylanıstı kelispeuşilikterden keyin, osı öñirdi mekendeytin 2 millonğa juıq halıq jarıqsız qalıp otır. Künine 3-4 sağatqa ğana beriletin elektr energiyası 740 mekteptiñ jwmısın tejep, qiındatqan.

BWW Gaza sektorındağı blokada juıq arada şeşilmese, 2020 jılğa qaray bwl aymaq adam mekendeuge jaramsız orınğa aynaladı degen mälimdeme jasağan bolatın.

2007 jılı HAMAS tobı Gaza sektorın basıp alğannan beri, gumanitarlıq dağdarıs jıl ötken sayın uşığıp keledi.

“The Qazaq Times”