"Makkeinde" qaza bolğan jauıngerler mürdesi. Foto: NYT.

AQŞ Tınıq mwhitı jetinşi flotı mälimdeme jasap, 21 tamız küni Singapurğa tayau mañdağı bwğazda soqtığısqan «Makkeyn» kemesinde qaza bolğan 10 adamnıñ mürdeleri tabılğanın ayttı. Bwl turalı «Şinlañ» aqparattıq saytı habarlaydı.

Apatta qaza bolğan amerikalıq äskerler. Foto: American Military News.

Jaqında ğana  AQŞ-tıñ Tınıq mwhittağı küşteriniñ «Makkeyn» attı kemesi, Singapurğa tayau mañdağı bwğazda jük tasığan kemege soğılıp, auır zaqımdalğan bolatın. Jük kemesi jauıngerler twratın bölme twsınan soğılğandıqtan, işindegi 10 amerikalıq äskerdiñ qaza bolğanı turalı habarlanğan. Bwl soñğı jıldarı AQŞ-tıñ Tınıq mwhit flotında tuılğan eñ köp ölim-jitim oqiğası bolıp tabıladı.

Osıdan bwrın AQŞ-tıñ jäne basqa da bir qatar batıs elderiniñ aqparat qwraldarında, AQŞ kemeleriniñ art-artınan apatqa wşırauına Qıtaydıñ qatısı bar degen boljamdar jariyalanğan bolatın. Olardıñ aytuınşa Qıtay jaq hakerlik şabuıldar arqılı AQŞ kemesiniñ radarın isten şığarğan.

“The Qazaq Times”