Kim Joñ Un zımıranğa qoldanılatın temperaturağa tözimdi materialdar öndirisin tekserude. Foto: 新浪新闻中心.

KHDR «Ortalıq Aqparat» agenttiginiñ habarına qarağanda, Soltüstik Koreyanıñ eñ joğarı basşısı Kim Joñ Un (Kim Çen In) Soltüstik Koreyanıñ Ğılımi zertteu jäne himiyalıq materialdar institutın aralap teksergen. Ol tekseruinen keyin zımıran qozğaltqıştar men zımırandardıñ öndirisin arttırudı mindettegen. Bwl turalı «Şinlañ» aqparattıq saytı habarlap otır.

Soltüstik Koreyanıñ atalğan zertteu institutı sol eldiñ ballistikalıq zımırandardı damıtu bağdarlamasında mañızdı sanaladı. Aytalıq, bwl orın zımırandardıñ temperaturağa tözimdi materialdarın zertteu jäne öndiruge jauaptı.  Sonımen birge, zımıran qozğaltqıştıñ reaktivti materialı jäne basqa da himiyalıq materialdarın dayındau mindeti bar. Ükimet jağınan bwl institut KHDR ballistikalıq zımırandardı damıtu bağdarlamasına teñdessiz üles qosqan dep bağalanğan.

Kim Joñ Un zertteu institutında. Foto: 新浪新闻中心.

Kim Joñ Un qwrlıqaralıq ballistikalıq zımıran jäne reaktivti qozğaltqıştardı öndiru procesin tekserip şığıp, soñında öndiristi bwdan da joğarı deñgeyge damıtuğa tapsırma bergen. Ol sözinde: «Institut äzirlegen zertteu materialdarı arqılı, biz birneşe retki zımıran sınağı kezinde, zımırandarımızdıñ atmosfera qabatına qaytıp oralğandağı joğarı temperaturağa tözimdi ekenin däleldey aldıq. Bwl bizdiñ wlttıq qorğanısımızğa zor üles qosqan mañızdı jetistik dep bağalaymın. Aldağı uaqıtta öndiris kölemin bwdan da arttıruğa tapsırma beremin. Ballistikalıq zımıran qozğaltqıştarı men qozğaltqış otındardı öndirudi jappay arttıru kerek», – dedi.

“The Qazaq Times”