Soltüstik Koreya ballistikalıq zımırandarı. Foto: The Wall Street Journal.

Seysenbi küni AQŞ barlau wyımınıñ ökili Uaşington jaq Soltüstik Koreya zımıran qozğaltqıştardı özderi öndiretinin, onıñ importtalmağanın rastaytının ayttı. Soñğı kezderi keybir sarapşılar Kim Joñ Un (Kim Çen In/ Kim Jong Un) ükimeti zımıran qozğaltqıştardı Ukraina, Resey nemese bwrınğı Keñes odağınan bölingen elderden import etken boluı mümkin dep kümändanğan bolatın. Bwl turalı «The Wall Street Journal» basılımı habarlaydı.

Halıqaralıq strategiyalıq zertteuler institutı (International Institute for Strategic Studies) düysenbi küni jariyalağan mälimetinde, Soltüstik Koreyanıñ soñğı zımıran sınaqtarına paydalanılğan qozğaltqış Keñes odağında jobalanğan raketalıq qozğaltqıştarğa wqsaytının aytqan bolatın. Al, Soltüstik Koreya zañsız joldar arqılı Resey nemese Ukraina elderinen zımıran qozğaltqıştarın jetkizgen boluı mümkin degen qorıtındı şığarğan edi.

Seysenbi küni AQŞ barlau wyımdarı bwğan qarsı uäj ayttı. Olardıñ tekserip anıqtauınşa, Soltüstik Koreya zımıran qozğaltqıştardı importtamağan. Kerisinşe, AQŞ Soltüstik Koreyanıñ özi derbes zımıran qozğaltqışın jasap şığaru mümkindigi bar dep qaraydı. Barlau wyımdarınıñ ökilderi bwdan arı mälimet bermegen. Alayda, olar AQŞ barlau wyımdarı wzaq uaqıttan beri Soltüstik Koreya zımıran bağdarlamaların baqılap kele jatqanın alğa tartuda.

AQŞ Ortalıq barlau basqarmasınıñ bastığı Mayk Pompeo, jeksenbi küni CBS arnasınıñ «Wlttıñ twlğası» attı bağdarlamasında söylegen sözinde, barlau wyımınıñ Kim Joñ Undı jäne onıñ damıtuğa tolıqtay serpin berip otırğan ballistikalıq zımıran bağdarlamaların tolıqtay baqılap otırğanın aytqan bolatın. Ol sözinde: «Bwl qızmette barlau wyımı şınında tabıstı eñbek etti», – dedi.

“The Qazaq Times”