AQŞ Prezidenti Donal'd Tramp pen Qıtay Prezidenti Şi Jinpiñ. Foto: "Ayqın" gazeti

AQŞ Prezidenti Donal'd Tramp sauda ökili Robert Laythayzerge Qıtaydıñ sauda-ekonomikalıq isine tergeu jürgizu turalı tapsırma berip, birneşe jarlıqtarğa qol qoydı. 

Endi Prezidenttiñ mwnday şeşimine baylanıstı qoğamda  "Qıtay men AQŞ arasındağı sauda-ekonomikalıq qatınastarğa zalal kelui mümkin" degen alañdauşılıq tuındağan.

Sonday-aq, Donal'd Tramp saudadağı ädildik pen tepe-teñdik principterine kepildik boluı üşin AQŞ-tıñ sauda ökiline barlıq jağdaylardı eskeru kerektigin aytqan.

Onıñ sözinşe, Aqüy amerikalıq kompaniyalardıñ intellektualdı menşigin qorğau üşin naqtı qadamdar jasaydı jäne bwl tergeu amerikalıq jwmısşılar üşin de mañızdı.

"Uaşington endi köz jwmıp otıra almaydı", - dedi ol.

Bwdan bwrın sarapşılar sauda ökili Robert Laythayzer Qıtayğa qarsı tergeu jwmıstarın Sauda turalı zañnıñ 301 bölimi boyınşa 1974 jıldan bastaytının aytqan. Al 1995 jılı Düniejüzilik sauda wyımı qwrılğannan keyin bwl zañ aktisi sirek qoldanılğan. Endi bwl AQŞ Prezidentine sauda äriptesterine qarsı birjaqtı sankciyalar bastauına mümkindik bermek.

Donal'd Tramptıñ bwl äreketi tekseru jwmıstarınıñ bayau bolatının jäne Qıtayğa qarsı sankciyanıñ bolmay qalatının bildirmeydi. Al AQŞ äkimşiliginiñ ökili bolsa "aldağı uaqıtta amerikalıq tarap tergeu jwmıstarın bastaytın bolsa, aldımen Qıtaymen konsul'taciya ötkiziledi" degendi aytadı.

Qıtaydıñ Sırtqı ister ministrliginiñ ökili Hua Çün Iıñ (Hua Chun Ying) bolsa qıtay-amerikalıq sauda sayasatı uaqıt ötken sayın nığayğanın jäne eger "sauda soğısı" bastalsa eki eldiñ de jeñiletinin aytadı.

Onıñ sözinşe, Qıtay tarapı "AQŞ memlekettiñ jeke innovaciya negizinde ekonomikanı damıtıp otırğanına män berip, Qıtaydıñ intelektualıq qwqıqtı qorğau isindegi jetistikterin bağalaydı" dep ümittenedi.

MarketWatch baslımınıñ mälimetinşe, amerikalıqtar jıl sayın 460 mlrd dollarğa Qıtaydıñ arzan oyınşıqtarın, kiimderin, elektrondı tehnikaların satıp aladı eken. Al bwl jağday tergeu jwmıstarı birneşe jılğa sozılğan künniñ özinde aldağı uaqıtta özgere qoymaydı.

“The Qazaq Times”