Jozef Danford. Foto: The Telegraph.

AQŞ-Koreya arasında eskertuler men ürkituler almasıp jatqan twsta, AQŞ äskeri Ştab-päter basşısı Jozef Danfordtıñ Korey tübegine bara jatqanı mälim boldı. Ol Korey tübegine baratın sapardan bwrın jurnalisterge «Äskeri basımdılıq ükimettiñ diplomatiyalıq jäne ekonomikalıq talpınıstardı qoldau üşin. Al ükimettiñ talpınıstarı sätsiz bolatın bolsa, äskeri küş är kezde de dayın boluı kerek» degen. Bwl turalı AQŞ basılımdarına silteme jasay otırıp, «Türik Tele-Radio» qızmetiniñ saytı habarladı.

Jozef Danford saparınıñ maqsatın Oñtüstik Koreya, Japoniya qatarlı odaqtastardıñ senimin arttırumen birge Qıtay men eki ortadağı tüsinbestikterdiñ aldın alu, äskeri selbestikti jüzege asıru dep tüsindirdi. Ol Korey tübegi mäselesinen soğıssız şığudı qalaytındarın, alayda Soltüstik Koreyanıñ AQŞ pen sol aymaqtağı odaqtastarın yadrolıq qarumen qorqıtuın mülde qabılday almaytındarın jetkizdi.

Amerikalıq sarapşılar Soltüstik Koreyanıñ AQŞ-tı yadrolıq qarumen atqılauğa talpınatındığın, alayda yadrolıq soğıs qaupi äli de alısta ekenin aytuda. Qıtay tarabı Soltüstik Koreyağa ekonomikalıq qısımın bastap ketti. Öñirdegi qayşılıqtıñ soğıssız şeşim tabuı eñ aldımen AQŞ-Soltüstik Koreya arasındağı bitimgerşilikte twrğanı anıq. Alayda, yadrolıq menmendik eki eldi de kelissöz üsteline jaqındatpay otır.

“The Qazaq Times”