Soltüstik Koreyada 3,5 mln äskeri erikti AQŞ-pen soğısqa dayın ekenin bildirdi

Korey tübegindegi şielenis şırmauında. AQŞ pen Soltüstik Koreya arasındağı qarama-qarası jasalıp jatqan eskertu, qorqıtu, üreylendiru sözderi, özge elderdiñ aqparat qwraldarı jağınan «auızşa soğıs» dep bağalana bastadı. YAdrolıq menmendik pen derjavalıq pañdıq Korey tübegi men Soltüstik Şığıs Aziyanı ürey astında qaltıratıp otır.

AQŞ prezidenti Tramp KHDR-ğa qaratqan bir sözinde «Uaşington Soltüstik Koreyağa şabuıl jasauğa oqtalıp, qolı şürippede twr» degen edi. Bwl zildey sözge Soltüstik Koreya Guam aralına zımıran şabuılı josparın jasap jatqanımen jauaptastı. Bir taraptan qanday da bir eskertu aytılsa, ekinşi jaq qarımtasın qaytarıp otır.

KHDR Ortalıq Aqparat agenttigi jäne eldegi birneşe resmi basılımğa silteme jasay otırıp «Şinlañ» aqparattıq saytınıñ habarlauına qarağanda, qazir Soltüstik Koreyadağı 3,5 mln äskeri jattığudan ötken erikti AQŞ-pen qan maydanda keziguge dayın ekenin jariyalap, şeru jasağan.

Korey tübegi jağdayına baylanıstı aymaqtağı elder ärtürli şaralar qoldanuda. Qıtay osıdan bwrın öziniñ quattı zımırandarın äskeri şeruge alıp şığıp, älemdi tiksindirgen edi. Oñtüstik Koreya bolsa Qıtay qarsılığına qaramastan «Sad» zımıranğa qarsı jüyesin ornalastıruğa şeşim qabıldadı. AQŞ öziniñ äue jäne zımıran qorğanıs tehnikaları men yadrolıq arsenalın jañartuda. Oğan qosa, AQŞ su astı soğıs kemeleri de Korey tübegine jaqın aumaqtarda bwyrıq kütip jür degen aqparat bar. Al, Resey bolsa öziniñ Qiır-Şığıstağı äue jäne zımıran qorğanıs jüyelerin dayındıq küyge ötkizgenin habarladı.

Korey tübegi şielenisiniñ kelip şığuın är jaqtıñ sarapşıları är türli aytadı. Degenmen, türli pikirlerdiñ arasınan ortaqtıq izder bolsaq, AQŞ-tıñ Aziyağa öz ıqpalın küşeytu üşin, Ekinşi dünie soğısınan beri qaray, jeñilgen Japoniya men bölingen Koreyanı şırmap wstap, Aziya Tınıq mwhit elderi arasında öz meymanasın tasıtudı közdegen sıñar jaqtı sayasatınıñ jemisi dep qaraladı.

“The Qazaq Times”