Foto: 123ru.net

Keşe tamızdıñ 11 küni Özbekstannıñ «Pahtakor» futbol klubınıñ äue apatına wşarağanına 38 jıl boldı. 1979 jılı tamızdıñ 11-i küni «Pahtakor» FK oyınşıları mingen Tu-154 wşağı Ukrainanıñ Dneprodzerjinsk qalasınıñ mañında tağı bir Tu-134 wşağımen soqtığısıp apatqa wşırağan bolatın. Biz bügin sol apattıñ ne sebepti orın alğandığına qısqaşa toqtaludı jön kördik.

1979 jılı 11-şi tamız küni Taşkenttiñ «Pahtakor» futbol klubı minskilik (Belorussiya) «Dinamo» FK qonaqqa baruı tiis bolğan. Keñester odağınıñ «Aeroflot» äue kompaniyasınıñ Tu-154 wşağı jergilikti uaqıt boyınşa sağat 11:30-da Taşkent äue jayınan Minsk qalasına attanadı. Bwdan 20 minut bwrın Çelyabinskiden Kişinevqa tağı bir Tu-134 wşağı äuege köteriledi. Däl osı uaqıtta Har'kovsk äuejayında Sergey Sergeevtiñ basqaruımen Vladimir Sumskoy men Nikolay Jukovsiy dispeçerlik qızmetterin qabıldap aladı. Biraq äli künge deyin nege Sergey Sergeevtiñ sol küni basqarudı Sumskoyğa emes, täjiribesiz Jukovskiyğa bergendigi belgisiz bolıp keledi. Öytkeni apattı zertteudiñ resmi qorıtındısı boyınşa, däl sol Nikolay Jukovskiydiñ salğırttığı saldarınan Tu-154 pen Tu-134 wşaqtarı apatqa wşırağan.

Foto: wikipedia.org

Tekseru barsında Jukovskiy Tu-154 pen Tu-134 wşaqtarı äuede bir nükteni 3 minut ayırmaşılığımen wşıp ötedi dep eseptegen. Alayda olardıñ enşisinde tek 60 sekunt ğana uaqıt bolğan. Sol uaqıtta bwl qatelikti bayqağan Sumskoy wşaqtardıñ birine joğarı wşuın swrap habarlama jiberedi. Biraq bwl habarlamanı Tu-154 pen Tu-134 wşaqtarı emes, mülde basqa bağıtta wşıp bara jatqan Il-62 wşağı qabıldağandığı anıqtalğan.

Resmi tekserulerdiñ qorıtındısı boyınşa, keñester odağınıñ sotı apatqa Har'kovsk äuejayınıñ dispeçerleriniñ salğırttığı sebepşi boldı degen şeşim şığarıp, Sumskoy men Jukovskiydi 15 jılğa sottağan. Sergey Sergeev bwl is boyınşa mülde qarastırılmağan. Sumskoy 15 jıldıñ 6 jılı ötkende jaqsı tärtibi üşin bostandıqqa şıqqan. Al Jukovskiy türmede öz-özine qol jwmsap, köz jwmğan.

Foto: RIA Novosti.

Biraq sol uaqıtta apattıñ ne sebepten bolğandığına baylanıstı resmi mälimdemeden bölek, beyresmi de aqparattar halıq arasında keñinen taralıp ketken. Solardıñ biri Tu-154 pen Tu-134 wşaqtarınıñ bir uaqıtta 8400 metr biiktikte wşuınıñ bastı sebebi, Leonid Brejnevtiñ Qırımğa baruı üşin 10 mıñ metr biiktikte özge wşaqtarğa wşuına tıyım salınuı. Biraq ol uaqıtta keñester odağın dür silkindirgen apatqa Brejnevtiñ qatısı bar dep aytu öz-öziñdi ölimge qiumen teñ bolğan.

“The Qazaq Times”