Foto: ontustik.gov.kz

Jol boyındağı servistik qızmetter men infraqwrılımdıq nısandardıñ talapqa say boluı zor mañızğa ie. Bwl jöninde «Batıs Europa-Batıs Qıtay» halıqaralıq kölik dälizindegi jol qwrılısınıñ barısımen tanısqan Oñtüstik Qazaqstan oblısınıñ äkimi Janseyit Tüymebaev mälimdedi, dep habarlaydı oblıs äkimdiginiñ baspasöz qızmeti.

«Jol boyındağı infroqwrılımdıq nısandardı halıqaralıq talapqa say etip saluımız kerek. Sonda öñirimizge turister köbeyetin boladı», - deydi oblıs äkimi.

Oñtüstik Qazaqstan oblısınıñ äkimi Janseyit Tüymebaev.

Sonday-aq äkim, birneşe mıñ şaqırımdı artqa tastap şığatın jolauşılar üşin ıñğaylı bolu maqsatında atalğan jol boyına beketter saludı tapsırdı. YAğni, «Batıs Europa-Batıs Qıtay» jolında bolaşaqta janarmay qwyatın beketter men dükender, ashanalar, tipti şağın motel'der de boy köteretin boladı.

Halıqaralıq mañızdağı joldardıñ birşama böliginiñ sapasız ne bolmasa jolauşılar üşin ıñğaysız jasalğanına toqtalğan J.Tüymebaev şeteldik merdiger mekemelerdiñ basşılarına joldı retke keltiru jwmıstarın 1 qırküyekten keşiktirmeudi tapsırdı.

Ayta keteyik, halıqaralıq kölik dälizi Oñtüstik öñirindegi barlıq eldi mekenderdiñ 70 payızın kesip ötedi. Oblıs boyınşa respublikalıq mañızı bar avtojoldardıñ jalpı wzındığı 837 şaqırımdı qwraydı, onıñ işinde «Batıs Europa –Batıs Qıtay» tranzittik dälizi qwrılısı üş bağıtta 420 şaqırımdı alıp jatır.

“The Qazaq Times”