فوتو: ontustik.gov.kz

جول بويىنداعى سەرۆيستىك قىزمەتتەر مەن ينفراقۇرىلىمدىق نىسانداردىڭ تالاپقا ساي بولۋى زور ماڭىزعا يە. بۇل جونىندە «باتىس ەۋروپا-باتىس قىتاي» حالىقارالىق كولىك دالىزىندەگى جول قۇرىلىسىنىڭ بارىسىمەن تانىسقان وڭتۇستىك قازاقستان وبلىسىنىڭ اكىمى جانسەيىت تۇيمەباەۆ مالىمدەدى، دەپ حابارلايدى وبلىس اكىمدىگىنىڭ ءباسپاسوز قىزمەتى.

«جول بويىنداعى ينفروقۇرىلىمدىق نىسانداردى حالىقارالىق تالاپقا ساي ەتىپ سالۋىمىز كەرەك. سوندا وڭىرىمىزگە تۋريستەر كوبەيەتىن بولادى»، - دەيدى وبلىس اكىمى.

وڭتۇستىك قازاقستان وبلىسىنىڭ اكىمى جانسەيىت تۇيمەباەۆ.

سونداي-اق اكىم، بىرنەشە مىڭ شاقىرىمدى ارتقا تاستاپ شىعاتىن جولاۋشىلار ءۇشىن ىڭعايلى بولۋ ماقساتىندا اتالعان جول بويىنا بەكەتتەر سالۋدى تاپسىردى. ياعني، «باتىس ەۋروپا-باتىس قىتاي» جولىندا بولاشاقتا جانارماي قۇياتىن بەكەتتەر مەن دۇكەندەر، اسحانالار، ءتىپتى شاعىن موتەلدەر دە بوي كوتەرەتىن بولادى.

حالىقارالىق ماڭىزداعى جولداردىڭ ءبىرشاما بولىگىنىڭ ساپاسىز نە بولماسا جولاۋشىلار ءۇشىن ىڭعايسىز جاسالعانىنا توقتالعان ج.تۇيمەباەۆ شەتەلدىك مەردىگەر مەكەمەلەردىڭ باسشىلارىنا جولدى رەتكە كەلتىرۋ جۇمىستارىن 1 قىركۇيەكتەن كەشىكتىرمەۋدى تاپسىردى.

ايتا كەتەيىك، حالىقارالىق كولىك ءدالىزى وڭتۇستىك وڭىرىندەگى بارلىق ەلدى مەكەندەردىڭ 70 پايىزىن كەسىپ وتەدى. وبلىس بويىنشا رەسپۋبليكالىق ماڭىزى بار اۆتوجولداردىڭ جالپى ۇزىندىعى 837 شاقىرىمدى قۇرايدى، ونىڭ ىشىندە «باتىس ەۋروپا –باتىس قىتاي» ترانزيتتىك ءدالىزى قۇرىلىسى ءۇش باعىتتا 420 شاقىرىمدى الىپ جاتىر.

“The Qazaq Times”