Foto: express.co.uk

Qıtay Soltüstik Koreyanı yadrolıq zımıran sınaqtarın toqtatuğa şaqırdı - dep habarlaydı VVS aqparat qızmeti.

Filippinniñ Manil qalasında ötken aymaqtıq qauipsizdik koferenciyasında Qıtay Sırtqı ister ministri Van I KHDR SİM Li En Hoğa: «Sankciya salu dwrıs. Biraq ol bwl mäseleni şeşudiñ soñğı nüktesi emes. Qazirgi tañda Korey tübegi öte qiın jağdayda. Sol sebepti Soltüstik Koreya öziniñ jaña zımıran sınağımen älem qauımdastığın arandatpay BWW-nıñ qararın orındağanı abzal» - dedi.

Al Qıtay Sırtqı ister ministriniñ bwl sözine Soltüstik Koreya ökiliniñ qanday jauap qaytarğanı jayında eşqanday aqparat taramağan.

Esteriñizge salayıq, Birikken Wlttar Wyımı Soltüstik Koreyağa AQŞ-tıñ bastamasımen sankciya salğan bolatın. Sankciya boyınşa, KHDR aumağına temir, kömir, teñiz tağamdarın importtauğa tıyım salınğan. Bwdan bölek eldiñ barlıq bank şottarı bwğattalıp, teñizşilerge Soltüstik Koreya su aylağınan tıs jerge şığuğa bolmaydı. Şeteldik sarapşılardıñ mälimetinşe, Soltüstik Koreya osı sankciyanıñ saldarınan jılına eksporttan tabatın 1 mlrd dollar qarjısınan qağılatın boladı. 

“The Qazaq Times”