قىتاي سولتۇستىك كورەيانى زىمىران سىناعىن توقتاتۋعا شاقىردى

قىتاي سولتۇستىك كورەيانى يادرولىق زىمىران سىناقتارىن توقتاتۋعا شاقىردى - دەپ حابارلايدى ۆۆس اقپارات قىزمەتى.

ءفيليپپيننىڭ مانيل قالاسىندا وتكەن ايماقتىق قاۋىپسىزدىك كوفەرەنتسياسىندا قىتاي سىرتقى ىستەر ءمينيسترى ۆان ي كحدر ءسىم لي ەن حوعا: «سانكتسيا سالۋ دۇرىس. بىراق ول بۇل ماسەلەنى شەشۋدىڭ سوڭعى نۇكتەسى ەمەس. قازىرگى تاڭدا كورەي تۇبەگى وتە قيىن جاعدايدا. سول سەبەپتى سولتۇستىك كورەيا ءوزىنىڭ جاڭا زىمىران سىناعىمەن الەم قاۋىمداستىعىن ارانداتپاي بۇۇ-نىڭ قارارىن ورىنداعانى ابزال» - دەدى.

ال قىتاي سىرتقى ىستەر ءمينيسترىنىڭ بۇل سوزىنە سولتۇستىك كورەيا وكىلىنىڭ قانداي جاۋاپ قايتارعانى جايىندا ەشقانداي اقپارات تاراماعان.

ەستەرىڭىزگە سالايىق، بىرىككەن ۇلتتار ۇيىمى سولتۇستىك كورەياعا اقش-تىڭ باستاماسىمەن سانكتسيا سالعان بولاتىن. سانكتسيا بويىنشا، كحدر اۋماعىنا تەمىر، كومىر، تەڭىز تاعامدارىن يمپورتتاۋعا تىيىم سالىنعان. بۇدان بولەك ەلدىڭ بارلىق بانك شوتتارى بۇعاتتالىپ، تەڭىزشىلەرگە سولتۇستىك كورەيا سۋ ايلاعىنان تىس جەرگە شىعۋعا بولمايدى. شەتەلدىك ساراپشىلاردىڭ مالىمەتىنشە، سولتۇستىك كورەيا وسى سانكتسيانىڭ سالدارىنان جىلىنا ەكسپورتتان تاباتىن 1 ملرد دوللار قارجىسىنان قاعىلاتىن بولادى. 

“The Qazaq Times”