Foto: Moncame

Monğoliya prezidenti Halmaagaiyn Battulga tamızdıñ 2-si küni Halıqaralıq valyuta qorı keñesşiler tobınıñ basşısı Koşi Matay men HVQ Monğoliyadağı twraqtı ökili Neyla Sakeramen kezdesti, dep habarlaydı Moncame aqparat agenttigi.

Kezdesu barısında Halmaagiyn Battulga: «Jaña önim öndirip, onı eksportqa şığarmay memleketti körkeytip, ekonomikanı damıtu mümkin emes. Şikizat bağasınıñ ösui ekonomikağa uaqıtşa ğana serpilis beredi. Halıqaralıq valyuta qorı osı twrğıda el ükimetine öziniñ közqarasın, aqıl-keñesin berui tiis» - dedi.

Öz kezeginde Halıqaralıq valyuta qorınıñ ökilderi Monğoliya prezidentine, el byudjetiniñ ösimi joğarı kezde qarjını jinaqtap, memlekettiñ valyuta qorın wlğaytu kerektigin aytqan.

“The Qazaq Times”