Odessa oblısınıñ eks-gubernatorı Mihail Saakaşvili Ukrainağa qaytıp oralatının mälimdedi.

«Men AQŞ nemese basqa eldiñ kömegine jüginbey aldağı uaqıtta sayasi küresti jalğastıru üşin Ukrainağa qaytıp oralamın. Meni Ukrainadağı jaqtastarım qoldaydı degen oydamın. Osı qadamım arqılı men özimdi emes, özgelerdi bassızdıqtan qwtqarğım keledi» - dedi Mihail Saakaşvili tamızdıñ 1 küni ötkizgen beyne konferenciyada.

Esteriñizge salayıq, şildeniñ 26 küni Ukraina köşi-qon qızmeti el prezidenti Petr Poroşenko Mihail Saakaşvilidi Ukraina azamattığınan şığarıp tastadı degen aqparat taratqan bolatın.

Qazirgi tañda Gruziyada Saakaşvili üstinen birneşe bap boyınşa qılmıstıq is qozğalğan. Osı uaqıtqa deyin Ukraina biligi Mihail Saakaşvilidi Gruziyağa ekstradiciyalaudan bas tartıp kelgen.

“The Qazaq Times”