Jwmıssızdardan bastap sottalğandarğa deyin. Qırğızstan prezidenttigine kimder ümitker?

Şildeniñ 31-i küni Qırğızstanda qazan ayınıñ 15-ine belgilengen prezident saylauına qatısuşılardıñ qwjattarın qabılau merzimi ayaqtaldı. Bişkek qalasında ornalasqan Ortalıq saylau jäne referendum komissiyası osı uaqıtqa deyin 59 adamnıñ qwjattarın qabıldağan.  

Saylauğa qatısuğa ümit bildirgen 59 adamnıñ tek 10 ğana partiya atınan qatısuşılar. Qalğan 49 adam prezidenttikke özin özi wsınuşılar. Olardıñ işinde aqpan ayınan beri «qarjı jımqırdı» degen küdikpen qamauda otırğan «Respublika» partiyasınıñ köşbasşısı Ömirbek Babanov pen «Ata Meken» frakciyasınıñ basşısı Ömirbek Tekebaev bar. Bwl eki ümitker atalmış partiyalardı özderi qwrğan. Olar biılğı saylauğa öz özderin wsınularınıñ bastı sebebin jaqtastarınıñ qwqığın şektegileri kelmeytindikterimen tüsindirgen. Qalğan 47 özin özi wsınuşı ümitkerler jayında Qırğızstan hılqı eşnärse bilmeydi. Öytkeni olardıñ basım köpşiligi özderi qwrğan partiyalardıñ atınan saylauğa qatısuşılar. Qazirgi tañda Qırğızstanda 100-ge juıq partiya bar ekenin eskersek, qırğız halqınıñ olardı tanımauı zañdılıq ekenin tüsinuge boladı.

Al elge tanımal partiyalardan «Ata Jwrt» partiyası biılğı saylauğa birden eki kandidatın wsınğan. Olar Qamşıbek Taşiev pen Ahmatbek Keldibekov. Partiyalar atınan saylauğa qatısuşılardıñ işinde saylauda jeñiske jetuge mümkindigi basım «Qırğızstan demokratiyalıq partiyasınıñ» müşesi Sooronbay Jeenbekov, «Aq-Şumkar» partiyasınan Temir Sariev jäne «Onuguu-Progress» partiyasınıñ müşesi Baqıt Torobaevtar bar.

Jalpı alğanda saylauğa qatısuşılar arasında Ömirbek Tekebaev pen Sadır Japparov qazirgi uaqıtta «jemqorlıq» babı boyınşa türmede otır. Tağı bir ümitker eks-spiker Ahmatbek Keldibekov bwrın sottalğan. Al «Qırğızstan» parlamenti frakciyasınıñ atınan saylauğa tüsken Qanatbek Isaev üstinen jaqında qılmıstıq is qozğalğan.

Prezidenttikke ümitkerlerdiñ eñ ülkeni eks-deputat Mwqar Çolponbaev 67 jasta. Eñ kişisi Roman Remnev 35 jasta. Saylauğa qatısuşı 59 kandidattıñ işinde 6 zeynetker men 6 jwmıssız adam bar.

Esteriñizge salayıq, Qırğızstanda bwğan deyingi prezident saylauı 2011 jılı ötkizilgen. Ol kezde Ortalıq saylau jäne referendum komissiyasına 83 adam qwjattarın tapsırıp, olardıñ 16-sı ğana komissiya irikteuinen ötken bolatın. 2011 jılğı saylauda Almazbek Atambaev 62 payız dauıs jinap jeñiske jetken edi.

“The Qazaq Times”