Foto: parstoday.com

Resey qarulı küşteri bas ştabınıñ törağası amerikalıq bombalauşı wşaqtıñ Süriyanıñ bir aymağın bombalauı barısında 20-dan astam qarapayım halıqtıñ qaza bolğanın habarladı.

IRNA-nıñ habarlauınşa, Resey qarulı küşteri bas ştabınıñ törağası Valeriy Gerasimov: «Amerikanıñ "B52" bombalauşı wşağı Süriyanıñ Idlib oblısına qarastı Sarmade aymağın bombalap, bir top äskeri emes adamndıñ ölimi men jaralanuına sebep boldı» dedi.

General Gerasimov bombalau äreketiniñ qañtar ayınıñ üşi küni orın alğanın, biraq amerikalıq basşılardıñ bwl turalı ünsizdik tanıtıp otırğandarına silteme jasap: «Süriyanıñ Sarmade aymağınıñ kelisim ornatılğan aymaq bolğanına qaramastan, "B 52" bombalauşı wşağı ol jerdi bombalağanın ayttı.

Soñğı 30 ayda Amerika men odaqtastarınıñ wşaqtarı belgilengen nısandarğa 6500 ret şabuıl jasadı. Olar Reseydiñ äue- ğarış küşiniñ osı eldegi lañkesterdiñ nısandarına jasağan şabuıldarınan birneşe ese kem.

Amerika men onıñ Süriyadağı odaqtastarınıñ äreketteriniñ saldarınan köptegen äskeri emes azamattar men süriyalıq küşter köz jwmdı» dedi.

Meyli Amerikası bolsın, Reseyi bolsın qalay bolğanda da beyuaz Süriya halqın qırğındamauı kerek edi.

Joğarı biliktiñ nemese äsire bir bwzınşı toptardıñ arasındağı jaulıqtıñ kesirinen qarapayım halıq qırğındalıp, quğındalıp bosqın qamıtın kiip jatır.

 "The Qazaq Times"