امەريكالىق ۇشاق جيىرمادان استام بەيۋاز سۇريالىقتى ءولتىردى

رەسەي قارۋلى كۇشتەرى باس شتابىنىڭ توراعاسى امەريكالىق بومبالاۋشى ۇشاقتىڭ ءسۇريانىڭ ءبىر ايماعىن بومبالاۋى بارىسىندا 20-دان استام قاراپايىم حالىقتىڭ قازا بولعانىن حابارلادى.

يرنا-نىڭ حابارلاۋىنشا، رەسەي قارۋلى كۇشتەرى باس شتابىنىڭ توراعاسى ۆالەري گەراسيموۆ: «امەريكانىڭ "B52" بومبالاۋشى ۇشاعى ءسۇريانىڭ يدليب وبلىسىنا قاراستى سارمادە ايماعىن بومبالاپ، ءبىر توپ اسكەري ەمەس ادامندىڭ ءولىمى مەن جارالانۋىنا سەبەپ بولدى» دەدى.

گەنەرال گەراسيموۆ بومبالاۋ ارەكەتىنىڭ قاڭتار ايىنىڭ ءۇشى كۇنى ورىن العانىن، بىراق امەريكالىق باسشىلاردىڭ بۇل تۋرالى ۇنسىزدىك تانىتىپ وتىرعاندارىنا سىلتەمە جاساپ: «ءسۇريانىڭ سارمادە ايماعىنىڭ كەلىسىم ورناتىلعان ايماق بولعانىنا قاراماستان، "B 52" بومبالاۋشى ۇشاعى ول جەردى بومبالاعانىن ايتتى.

سوڭعى 30 ايدا امەريكا مەن وداقتاستارىنىڭ ۇشاقتارى بەلگىلەنگەن نىساندارعا 6500 رەت شابۋىل جاسادى. ولار رەسەيدىڭ اۋە- عارىش كۇشىنىڭ وسى ەلدەگى لاڭكەستەردىڭ نىساندارىنا جاساعان شابۋىلدارىنان بىرنەشە ەسە كەم.

امەريكا مەن ونىڭ سۇرياداعى وداقتاستارىنىڭ ارەكەتتەرىنىڭ سالدارىنان كوپتەگەن اسكەري ەمەس ازاماتتار مەن سۇريالىق كۇشتەر كوز جۇمدى» دەدى.

مەيلى امەريكاسى بولسىن، رەسەيى بولسىن قالاي بولعاندا دا بەيۋاز ءسۇريا حالقىن قىرعىنداماۋى كەرەك ەدى.

جوعارى بيلىكتىڭ نەمەسە اسىرە ءبىر بۇزىنشى توپتاردىڭ اراسىنداعى جاۋلىقتىڭ كەسىرىنەن قاراپايىم حالىق قىرعىندالىپ، قۋعىندالىپ بوسقىن قامىتىن كيىپ جاتىر.

 "The Qazaq Times"