Tramp memlekettik hatşı qızmetine wsınğan Kandidat Reks Tillerson. Foto: centralasian.org

AQŞ-tıñ jañadan saylanğan prezidenti Donal'd Tramp memlekettik hatşı qızmetine wsınğan kandidat islamdı «wlı senim» dep atap, belgili bir din jäne toptarğa qatıstı jappay tıyım saludı qoldamaytının mälimdedi.

ExxonMobil kompaniyasınıñ bwrınğı basşısı Reks Tillerson bwl mälimdemesin 11 qañtarda senattıñ sırtqı ister komitetindegi tıñdau kezinde ayttı. Saylau kampaniyası kezinde Tramp teraktini aldın alu üşin mwsılmandardı AQŞ-qa kirgizuge tıyım saludı wsınğan.

Demokratiyalıq jäne Respublikalıq partiya ökilderiniñ deni bwl bastamanı sınağan.

Tillerson senat müşelerine ExxonMobil kompaniyasın basqarıp twrğan kezde Tayau Şığıstağı jäne Aziyanıñ oñtüstik-şığıs bölikterindegi mwsılman elderin aralağanın bayandap, ol “bwl wlı senimdi bağalap, moyınday bastağanın” ayttı. Ol sonımen birge ekstremisterge qatıstı AQŞ ülken qauip-qaterge tap bolıp otırğanın, biz bwl mäseleni “jılı jauıp qoya almaymız” dedi. “Bizge qauip-qaterdi tolığımen tüsinip, olardıñ közin joyu üşin arnayı bağdarlama äzirlep, aldın alu kerek”, - dedi ol.

centralasian.org