Soltüstik Koreya tınbay jasağan zımıran sınaqtarınan keyin bir jıl işinde ballistikalıq zımıranın Amerika şekarasına jetkize alatın boldı. Osıdan birneşe apta bwrın Soltüstik Koreyanıñ bwl jetistikke jetuine 4 jıl uaqıt bar dep sanağan. Qazir Soltüstik Koreyanıñ zımırandarına şağın kölemdegi yadrolıq qarulardı tieuge boladı. Sonımen birge atmosferağa qayta engen kezdegi joğarı temperaturağa tözimdiligi de sınnan ötti. Bwl yadrolıq oq twmsıqtardı AQŞ-qa deyin jetkize aluğa tolıqtay qabletti ekenin körsetedi.

4 şildedegi zımıran sınağı kezinde Soltüstik Koreya zımıranı Alyaskağa erkin jetetindigin däleldey aldı. Bwl AQŞ ükimetiniñ sarapşıların qaytalay zertteu jasauğa mäjbür etti. 14 jıl ilgeri AQŞ mamandarı Iraktıñ jappay qırıp-joyuşı qarularına saraptama jasay kele, ükimetke saqtıq dabılın bergen bolatın.

AQŞ şeneunikteriniñ aytuınşa, arnayı mamandardıñ şığarğan jaña saraptama qortındısında KHDR basşısı Kim Joñ Unnıñ bwyrığı arqılı asa jedel äzirlengendikten, salıstırmalı türde, naşar injenerlik deñgeyde. Äri däldik därejesi öte tömen dep bağalanğan. Ştab jetekşileri keñsesiniñ orınbasar meñgeruşisi Pavl Selvanıñ qarauınşa, soñğı sınaqtar Soltüstik Koreyanıñ AQŞ-qa yadrolıq soğıs aşuğa qabiletti ekenin däleldey almaydı. Tipti bwl sınaqtıñ tabıstı ayaqtalğanına da senu qiın dep otır.

Är närsege saqsına qaraytın Pentagon men Ortalıq barlau basqarmasınıñ qızmetkeri Kim Joñ Un rejiminiñ yadrolıq quatına säl qaramastan, är qadamın qabaq qaqpay añdıp keledi. Bwl isterdiñ bäri de prezident Tramptıñ josparın özgertuge tolıqtay negizi bar. Ol osığan deyin Obamanıñ «strategiyalıq şıdamdılıq» wstanımın özgertken bolatın. Ol AQŞ äskeri strategiyasın jañartuğa tırısuda. Eñ äueli ekonomikalıq qısımın arttıradı. Tipti Soltüstik Koreya zımıran şabuılın bögeu üşin jelilik şabuıldardı da iske qosuı mümkin.

Ötken aptadağı Aspen Qauipsizdik forumında Tramp, erte me, keş pe Soltüstik Koreyanıñ Alyaska men Gavayi auqımdı soqqı jasauğa qabiletti bolatınına köz jetkizdi. Biraq, AQŞ bwl künniñ keluin keşeuildetuge küşi jetetinin de biledi. Ortalıq barlau basqarmasınıñ direktorı Mayk Pompeo (Mike Pompeo) atalğan qauipsizdik keñesiniñ otırısında alğaş ret KHDR-dan keletin wzaq merzimdi qauip-qaterler turalı bayandama jasadı. Ol sözinde: «Biz qalayda bir amalın tauıp, Soltüstik Koreyanıñ yadrolıq bağdarlamaları men zımıran damıtu isin toqtatuğa tiispiz», – dedi.

Degenmen, AQŞ-tıñ tanımal basılımı «Uaşington post» (Washington Post) jariyalağan arnaulı maqalada «Uaşingtondağılar älde qaşan uaqıt joğaltıp aldı» dep bağa berdi. YAğni, eger AQŞ 2018 jılı zımıran qorğanıs jüyesin tolıqtay jañarta alsa ğana, Soltüstik Koreyadan keletin zımıran şabuıldarına tosqauıl qoya aladı dep qaraydı. Pentagon bolsa wzaq jıldardan beri ünsiz küyde saqtıq şaraların atqarıp kele jatqanı anıq. Aytalıq, teñiz betinde zımırandardı wstau qwrılğıları bwrınnan bar. Eger prezident Tramp şeşim şığarsa, teñiz betinde zımırandardı wstap joyu qwrılğıların tolıqtay jañartudı jüzege asıra aladı. Obama twsında qabıldanğan jelilik şabuıldar men elektrondı soğıs tehnologiyasın arqılı zımıran şabuıl jüyelerin qiratu operaciyaların da jüzege asıruı mümkin.

Al, AQŞ-tıñ keybir barlau qızmetkerleri Soltüstik Koreyanıñ zımıran quatınıñ artuı AQŞ-tıñ zımıranğa qarsı jüyesiniñ damuına jaña oray jarattı dep qaraydı. Qazirgi kezde Uaşington biligi jaña şaralarğa dayındalıp jatqanı anıq. Soltüstik Koreya AQŞ-qa yadrolıq şabuıl jasau üşin de bwltartpas sebep pen şart-jağdaydıñ kerek ekenin añğara alatın bolsa kerek. KHDR şınımen de yadrolıq bağdarlamalar men ballistikalıq zımırandardı damıtu isinde joğarı nätije körsetken künniñ özinde, öz şamasın bağalay alatın bolsa, AQŞ-tı közsizdikpen yadrolıq oqtwmsıqtıñ astına aluğa batıldıq ete almaydı. Bwl älemde bola ma, bolmay ma dep kütiletin yadrolıq soğıstıñ auılı şın mäninde äli de alıs ekenin tüsindirip twr.

“The Qazaq Times”