Dıbıstan jıldam zımıran. Foto: Covert Geopolitics.

AQŞ qorğanıs tarauları men Avstraliya jaq birneşe kün bwrın AQŞ-tıñ älemdegi eñ qarqındı ballistikalıq zımırandı sınaqtan ötkizgeni turalı rastadı. Bwl qwpiya sınaq seriyası bolıp, AQŞ qorğanıs küşteriniñ dıbıstan jıldam wşatın qanattı zımıranı sätti sınaqtan ötkizilgen. Zımırannıñ sağattıq qarqını 12 mıñ şaqırımnan asadı. Bwl turalı qıtaylıq «Şinlañ» aqparattıq agenttiginiñ resmi saytı habarlaydı.

Sarapşılardıñ aytuınşa, bwl zımırannıñ jıldamdığınan alıp qarağanda, qazir älemdegi kez-kelgen zımıranğa qarsı jüye onı wstap qala almaydı. Sonımen qatar bwl retki test «Halıqaralıq dıbıstan jıldam wşatın zımırandı zertteu eksperimentiniñ» (HiFire) bir bölegi bolıp tabıladı. Qazir älemde jıldamdığı 5 Mach-tan joğarı qarqındağı zımırandar sınaqtan ötkizilude. AQŞ sınaqtan ötkizgen bwl qarqındı zımıran 8 Mach jıldamdıqtı körsetti.

2006 jıldıñ 10 qaraşasınan bastap, AQŞ pen Avstraliya dıbıstan jıldam wşatın zımırandardı birlesip zertteu jobasın bastadı. Bwl joba dıbıstan tez zımıran tehnologiyaların damıtu jäne zertteuge bağıttalğan. Aytalıq, dıbıstan jıldam zımırandardıñ aerodinamikası, temperaturağa tözimdiligi, nısana däldigi jäne alıstan meñgeru qatarlı qwrılımdarın zerttegen. AQŞ mwnday qarqındı zımırandardı naqtı soğıs jağdayına paydalanuğa bağıttay otırıp damıtqan. Sarapşılardıñ qarauınşa 2025 jılğa barğanda AQŞ dıbıstan jıldam zımırandardı Jerdiñ kez-kelgen nüktesine jetkizuge qabiletti boladı dep otır.

“The Qazaq Times”