Resey Taliban qozğalısımen qatısı joq ekendigin aytıp aqtaldı

Resey Federaciyasınıñ sırtqı ister ministrliginiñ resmi ökili Mariya Zaharova CNN telearnası taratqın «Resey Taliban qozğalısın qarulandırıp otır» degen aqparattı joqqa şığardı.

Mariya Zaharova «Govorit Moskva» radiosına bergen swhbatında: «AQŞ bwqaralıq aqparat qwraldarı bwğan deyin birneşe märte Reseydi «Taliban qozğalısın qaru-jaraqpen qamtamasız etip otır» dep ayıptadı. Bwl jalğan aqparat. Al CNN arnası Reseyge qarsı ügit-nasihat jürgizudiñ taptırmas qwralı» - dedi.

Esteriñizge salayıq, CNN arnası efirinen reseylik Kalaşnikov, snayperlik vintovkalarmen qarulanğan Taliban qozğalısınıñ sodırları beynelengen beynerolik pen foto körsetken bolatın. Al NATO, AQŞ jäne Euroodaq elderiniñ birikken äskeri küşteriniñ basşısı Kertis Skaparotti Reseydi Taliban qozğalısın qoldap otır dep ayıptağan edi.

“The Qazaq Times”