رەسەي تاليبان قوزعالىسىمەن قاتىسى جوق ەكەندىگىن ايتىپ اقتالدى

رەسەي فەدەراتسياسىنىڭ سىرتقى ىستەر مينيسترلىگىنىڭ رەسمي وكىلى ماريا زاحاروۆا CNN تەلەارناسى تاراتقىن «رەسەي تاليبان قوزعالىسىن قارۋلاندىرىپ وتىر» دەگەن اقپاراتتى جوققا شىعاردى.

ماريا زاحاروۆا «گوۆوريت موسكۆا» راديوسىنا بەرگەن سۇحباتىندا: «اقش بۇقارالىق اقپارات قۇرالدارى بۇعان دەيىن بىرنەشە مارتە رەسەيدى «تاليبان قوزعالىسىن قارۋ-جاراقپەن قامتاماسىز ەتىپ وتىر» دەپ ايىپتادى. بۇل جالعان اقپارات. ال CNN ارناسى رەسەيگە قارسى ۇگىت-ناسيحات جۇرگىزۋدىڭ تاپتىرماس قۇرالى» - دەدى.

ەستەرىڭىزگە سالايىق، CNN ارناسى ەفيرىنەن رەسەيلىك كالاشنيكوۆ، سنايپەرلىك ۆينتوۆكالارمەن قارۋلانعان تاليبان قوزعالىسىنىڭ سودىرلارى بەينەلەنگەن بەينەروليك پەن فوتو كورسەتكەن بولاتىن. ال ناتو، اقش جانە ەۋرووداق ەلدەرىنىڭ بىرىككەن اسكەري كۇشتەرىنىڭ باسشىسى كەرتيس سكاپاروتتي رەسەيدى تاليبان قوزعالىسىن قولداپ وتىر دەپ ايىپتاعان ەدى.

“The Qazaq Times”