Tramp prezident saylauına Reseydiñ aralasqanın moyındadı

9 qañtar küni Donald Tramptıñ komandası, AQŞ prezident saylauı nauqanına reseylik hakerlerdiñ aralasqanın moyındadı. Bwl is AQŞ prezident saylauınan beri qaray Obama men Tramp arasındağı eñ bir tüytkildi mäsele bolatın. Tramp biligi bwğan arnayı şaralar qoldanatının da ayttı.

Aqüyge jañadan tağayındağan keñse meñgeruşisi Pribus Rayns öz mälimdemesinde: «Qwrama Ştattardağı prezident saylauı kezinde, Resey bir retki AQŞ demokratiyalıq partiyasınıñ konvenciyasına hakerlik şabuıl jasağan. Bwl AQŞ saylauına jasalğan kederginiñ artında Putinnıñ twrğanı anıq, prezident Tramp bwnı Resey jaqtıñ bastı wstanımı retinde qabıldaydı» dedi. Bwl Tramp biligindegilerdiñ AQŞ saylauındağı reseylik hakerlerdiñ şabuılın  alğaş ret moyındauı. Osıdan bwrın Tramp reseylik hakerler şabuılı men Tramptıñ saylanuına Reseydiñ qoldauı boldı degendi moyındamay kelgen bolatın.

20 qañtardağı prezidenttiñ resmi tağayındaluın wlıqtau räsimi jaqındap qaldı, oğan qosa Tramptıñ öz pariyası işinde de oğan degen qısım kün sanap artıp keledi. Köptegen adamdar bwl ret saylanğan prezidenttiñ AQŞ Qauisizdik jäne barlau organdarımen tığız baylanısta boluın qalaydı. Bwl sayasi twlğalardıñ talabınan şığu üşin Tramp biligi  osı qadamğa eriksiz barıp otır.

Ötken aptada AQŞ Qauipsizdik jäne barlau mekemesi «Putin AQŞ-qa qarata kiber şabuıldı öz işine qamtığan keşendi josparğa jetekşilik jasap otır» dep mälimdegen edi. Endi Tramp biliginiñ bwl isti moyındauı Tramptı joğarı sayasi twlğalar men Qauipsizdik jäne barlau organdarına jaqındattı deuge äbden boladı.

"The Qazaq Times"