ترامپ پرەزيدەنت سايلاۋىنا رەسەيدىڭ ارالاسقانىن مويىندادى

9 قاڭتار كۇنى دونالد ترامپتىڭ كومانداسى، اقش پرەزيدەنت سايلاۋى ناۋقانىنا رەسەيلىك حاكەرلەردىڭ ارالاسقانىن مويىندادى. بۇل ءىس اقش پرەزيدەنت سايلاۋىنان بەرى قاراي وباما مەن ترامپ اراسىنداعى ەڭ ءبىر تۇيتكىلدى ماسەلە بولاتىن. ترامپ بيلىگى بۇعان ارنايى شارالار قولداناتىنىن دا ايتتى.

اقۇيگە جاڭادان تاعايىنداعان كەڭسە مەڭگەرۋشىسى پريبۋس راينس ءوز مالىمدەمەسىندە: «قۇراما شتاتتارداعى پرەزيدەنت سايلاۋى كەزىندە، رەسەي ءبىر رەتكى اقش دەموكراتيالىق پارتياسىنىڭ كونۆەنتسياسىنا حاكەرلىك شابۋىل جاساعان. بۇل اقش سايلاۋىنا جاسالعان كەدەرگىنىڭ ارتىندا پۋتيننىڭ تۇرعانى انىق، پرەزيدەنت ترامپ بۇنى رەسەي جاقتىڭ باستى ۇستانىمى رەتىندە قابىلدايدى» دەدى. بۇل ترامپ بيلىگىندەگىلەردىڭ اقش سايلاۋىنداعى رەسەيلىك حاكەرلەردىڭ شابۋىلىن  العاش رەت مويىنداۋى. وسىدان بۇرىن ترامپ رەسەيلىك حاكەرلەر شابۋىلى مەن ترامپتىڭ سايلانۋىنا رەسەيدىڭ قولداۋى بولدى دەگەندى مويىنداماي كەلگەن بولاتىن.

20 قاڭتارداعى پرەزيدەنتتىڭ رەسمي تاعايىندالۋىن ۇلىقتاۋ ءراسىمى جاقىنداپ قالدى، وعان قوسا ترامپتىڭ ءوز پارياسى ىشىندە دە وعان دەگەن قىسىم كۇن ساناپ ارتىپ كەلەدى. كوپتەگەن ادامدار بۇل رەت سايلانعان پرەزيدەنتتىڭ اقش قاۋىسىزدىك جانە بارلاۋ ورگاندارىمەن تىعىز بايلانىستا بولۋىن قالايدى. بۇل ساياسي تۇلعالاردىڭ تالابىنان شىعۋ ءۇشىن ترامپ بيلىگى  وسى قادامعا ەرىكسىز بارىپ وتىر.

وتكەن اپتادا اقش قاۋىپسىزدىك جانە بارلاۋ مەكەمەسى «پۋتين اقش-قا قاراتا كيبەر شابۋىلدى ءوز ىشىنە قامتىعان كەشەندى جوسپارعا جەتەكشىلىك جاساپ وتىر» دەپ مالىمدەگەن ەدى. ەندى ترامپ بيلىگىنىڭ بۇل ءىستى مويىنداۋى ترامپتى جوعارى ساياسي تۇلعالار مەن قاۋىپسىزدىك جانە بارلاۋ ورگاندارىنا جاقىنداتتى دەۋگە ابدەن بولادى.

"The Qazaq Times"