Foto: VVS.

AQŞ prezidentiniñ wlı kişi Donal'd Tramp Hillari Klinton üstinen kompromat aqparat jinau üşin reseylik zañgermen kezdesken dep jazadı The New York Times basılımı.

New York Times gazetiniñ mälimeti boyınşa, 2016 jıldıñ 16 mausım küni Donal'd Tramptıñ wlı «Tramp tauer» ğimaratında Kreml'men qatısı bar Natal'ya Vesel'nickayamen kezdesken.

New York Times basılımınıñ bwl mälimdemesin kişi Tramp joqqa şığarmağan. Biraq kezdesu barısında Vesel'nickayanıñ Hillari Klinton jayında mardımdı aqparat bere almağandığın aytqan.

Al Natal'ya Vesel'nickayanıñ aytuınşa, kişi Tramppen kezdesu kezinde olar prezident saylauı jayında eşqanday äñgime qozğamağan.

Donal'd Tramptıñ resmi ökiliniñ habarlauınşa, Tramp öz komandasınıñ Vesel'nicayamen kezdeskendigi jayında eşnärse bilmegen jäne ol kezdesuge qatıspağan.

Qazirgi tañda AQŞ Kongressi men FBR prezident saylauı kezinde Tramp komandasınıñ müşeleri Kreml'men baylanısta bolğandığı jayında tekseru jwmıstarın jalğastıruda.

Esteriñizge salayıq, AQŞ prezidenti Donal'd Tramp pen Resey basşısı Vladimir Putin Germaniyanıñ Gamburg qalasında G20 sammiti ayasında kezdesken bolatın. Kezdesu barısında Süriya, Ukraina, kiberşabuıl, reseylikterdiñ AQŞ saylauına aralasuı jayında äñgime qozğağan.

 “The Qazaq Times”