AQŞ Koreya birlesken armiyasınıñ Korey tübeginiñ şığısındağı araldardağı zımırandarı iske qosıldı. Foto: The Wall Street Journal

AQŞ Soltüstik Koreyağa soğıs eskertuin jasadı. Aqüy tarabınan aşulı türde aytılğan bwl eskertude, AQŞ-tıñ soğısqa dayın ekeni de aytılğan. Qazirgi tañda seysenbi küni wşırılğan qwrlıqaralıq ballistikalıq zımırannan keyin, Soltüstik Koreya özderiniñ ballistikalıq zımırandı damıtudağı jetistigin resmi türde habarlağan bolatın.

Tanımal basılım «The Wall Street Journal» basılımınıñ habarlauınşa, Soltüstik Koreya bwl jolı öziniñ zımırandarın AQŞ territoriyasına jetkizu qabiletiniñ bar ekenin äygiledi. Särsenbi küni atalğan eldiñ resmi arnaları özderiniñ jetistigin maqtana jariya etti. Mälimetterge qarağanda bwl jolı sınaqtan ötkizilgen zımıran atmosfera qabatınan şığıp qayta kirgen kezde payda bolatın joğarı temperatura men qısımğa tözimdiligin tanıtqan.

Keybir älemdik basılımdar KHDR-nıñ kezekti ballistikalıq zımıran sınağınıñ rastığınan kümändanadı. Olar, eger şınımen Soltüstik Koreya sätti sınaq jasağan bolsa, onda, oqtwmsıqtarın AQŞ qalalarınıñ birine qaray bağıttaytın edi deydi. Meyli qalay bolsa da, AQŞ-Soltüstik Koreya şielenisi şırqau şıñına şıqqalı twr. Oñtüstik Koreyadağı AQŞ armiyasınıñ bas qolbasşısı admiral Vinsent Bruks särsenbi küni joldağan mälimetinde: «Eger bwyrıq tapsırıp alatın bolsaq, AQŞ-Koreya birlesken armiyası Soltüstik Koreyağa soğıs aşuğa dayın», – dedi.

Bügin tüsten bwrın AQŞ-Koreya birlesken armiyası kürdeli soğıs jattığuların jüzege asırdı. Olar Koreya tübeginiñ şığısındağı şağın araldardağı zımırandarın qozğalısqa keltirgen. Sonımen birge habarlama jariyalap, bwl Soltüstik Koreyağa jasalğan soğıs eskertui ekenin ayttı.

“The Qazaq Times”