Tramptıñ saylaudan bwrınğı poziciyası özgeredi

AQŞ Halıqaralıq ekonomika zertteu institutınıñ ağa zertteuşisi, tanımal qıtaytanuşı Nikolas Lardidıñ boljauınşa Tramp taqqa şığısımen, saylau kezinde aytqan sayasi wstanımdarınıñ birazınan bas tartıp, AQŞ-ta dästürge aynalğan pragmatikalıq bağıtta jwmıs alıp baruı mümkin. AQŞ müddesi üşin jäne Qıtay-AQŞ investiciyalıq kelisimderiniñ ıqpalında Tramptıñ saylanudan bwrınğı poziciyası özgeredi. Eki kün bwrın Şinhu agenttiginiñ jurnalistine bergen swhbatında Lardi: Tramp Qıtay-AQŞ investiciyalıq qatınasın damıtuğa müddeli degendi ayttı.

Nikolas Lardi: « Tramp taqqa otırğannan keyin AQŞ ekonomikasındağı Qıtay salmağın şın moyındaytın boladı. Köptegen käsiporındar Qıtaydağı ülken bazarğa qızığıp, sauda-ekonomikalıq baylanıs ornatıp otırğanın da köredi. Qıtay tauarlarına inporttıq salıqtı köbeytu Qıtaydıñ ğana emes Amerikadağı bäsekege qabiletti kompaniyalarğa oñ äser bermeydi. Osığan qarap, Tramp AQŞ müddesin eskerse Qıtayğa tosqauıl qoyuı ekitalay ».

Qazir qıtaylıq kez-kelgen BAQ, Tramptıñ saylau kezinde aytqan sözderin qanşalıq därejede orındaydı degenge basa nazar audarıp otır. Tramptıñ är basqan qadamın añdıp twr desek te artıq emes. Sebebi, Tramptıñ aldağı qadamı Qıtay üşin asa mañızdı. AQŞ-Qıtay müddesi teke-tireske tüspese de, mwnda eki el damuına kerek köptegen tüytkilderge jauap jatır.  Sondıqtanda, alıs qwrlıqtağı eldiñ prezidenti taqqa otırıp, öziniñ qızımet josparlarımen tanıstırğanşa qıtaylıq BAQ-tıñ sanası sanğa, oyı onğa bölinedi. Ärine, bwl taqırıp bizben eş qatıssız deuge kelmeydi.

"The Qazaq Times"