Tramp pen Modi Aqüyde kezdesti. Foto: The Wall Street Journal.

AQŞ prezidenti men Ündistan prem'er-ministriniñ alğaşqı kezdesui düysenbi küni Aq üyde bolıp ötti. Eki el basşısı AQŞ pen Ündistan arasındağı birlesken terrorlıqqa qarsı küresti küşeytetin bolıp kelisti. Kelisimdi jüzege asıru üşin Auğanstan jağdayın retke salıp, Oñtüstik Aziyada tuılıp otırğan sauda dauın retke salu turalı keñeskenderin mälim etti. Bwl turalı “The Wall Street Journal” basılımı habarlap otır.

Tramp baspasöz mäjilisinde: «Biz AQŞ-Ündistan arasındağı tabiği gaz kelisiminde mämilege kelip otırmız, biraq Ündistan basşısı qaljıñdap, bwl kelisimge qol qoyğan joq. Sebebi, ol bağasın tağı da kötere tüskisi keledi», – dedi. Tramp sözinen belgili bolğan tağı bir jağday, Ündistannıñ AQŞ-qa bağıttağan eksportında sauda kedergilerdiñ joyıluı turalı da wzaq talqı bolğan. Bwnı Tramp eki el arasındağı ädil jäne özara tiimdi saudağa jol aşu negizinde jaña kelisim jasastıq dep qana ayttı.

Ündistan prem'er-ministri Narendriya Modi, otbasımen AQŞ-qa saparlay barıp, alğaş ret Tramp ükimetimen joğarı därejeli memlekettik saparda kezdesip otır. Ol öz sözinde Ündistannıñ qazirgi ekonomikası jäne AQŞ-pen bolğan qarım-qatınasına, Tramptıñ jürgizip otırğan sayasatına toqtala kelip, bwl qadamdardıñ Ündistannıñ ekonomikasın arttırumen qatar, Amerika Qwrama Ştattarın tipti de qwdirettendire tüsedi degen bağasın da berdi.

Kezdesuden belgili bolğanday Tramp Aziyadağı iri yadrolıq qaruğa ie elderdi Soltüstik Koreya mäselesin ortaq şeşuge aralastıru üşin qam qıluda. Ündistan basşısımen kezdesu kezinde de Soltüstik Koreya mäselesin söz etip, Ündistan tarapınan naqtı qoldaular bar joğın añdap kördi. Alayda Modi Soltüstik Koreya isi turalı AQŞ-tı qoldaytını turalı sıñay tanıtıp, uäde bermedi.

“The Qazaq Times”