ءۇندىستان باسشىسى ترامپتىڭ دەگەنىنە كونە قويمادى

اقش پرەزيدەنتى مەن ءۇندىستان پرەمەر-ءمينيسترىنىڭ العاشقى كەزدەسۋى دۇيسەنبى كۇنى اق ۇيدە بولىپ ءوتتى. ەكى ەل باسشىسى اقش پەن ءۇندىستان اراسىنداعى بىرلەسكەن تەررورلىققا قارسى كۇرەستى كۇشەيتەتىن بولىپ كەلىستى. كەلىسىمدى جۇزەگە اسىرۋ ءۇشىن اۋعانستان جاعدايىن رەتكە سالىپ، وڭتۇستىك ازيادا تۋىلىپ وتىرعان ساۋدا داۋىن رەتكە سالۋ تۋرالى كەڭەسكەندەرىن ءمالىم ەتتى. بۇل تۋرالى “The Wall Street Journal” باسىلىمى حابارلاپ وتىر.

ترامپ ءباسپاسوز ماجىلىسىندە: «ءبىز اقش-ءۇندىستان اراسىنداعى تابيعي گاز كەلىسىمىندە مامىلەگە كەلىپ وتىرمىز، بىراق ءۇندىستان باسشىسى قالجىڭداپ، بۇل كەلىسىمگە قول قويعان جوق. سەبەبى، ول باعاسىن تاعى دا كوتەرە تۇسكىسى كەلەدى»، – دەدى. ترامپ سوزىنەن بەلگىلى بولعان تاعى ءبىر جاعداي، ءۇندىستاننىڭ اقش-قا باعىتتاعان ەكسپورتىندا ساۋدا كەدەرگىلەردىڭ جويىلۋى تۋرالى دا ۇزاق تالقى بولعان. بۇنى ترامپ ەكى ەل اراسىنداعى ءادىل جانە ءوزارا ءتيىمدى ساۋداعا جول اشۋ نەگىزىندە جاڭا كەلىسىم جاساستىق دەپ قانا ايتتى.

ءۇندىستان پرەمەر-ءمينيسترى نارەندريا مودي، وتباسىمەن اقش-قا ساپارلاي بارىپ، العاش رەت ترامپ ۇكىمەتىمەن جوعارى دارەجەلى مەملەكەتتىك ساپاردا كەزدەسىپ وتىر. ول ءوز سوزىندە ءۇندىستاننىڭ قازىرگى ەكونوميكاسى جانە اقش-پەن بولعان قارىم-قاتىناسىنا، ترامپتىڭ جۇرگىزىپ وتىرعان ساياساتىنا توقتالا كەلىپ، بۇل قادامداردىڭ ءۇندىستاننىڭ ەكونوميكاسىن ارتتىرۋمەن قاتار، امەريكا قۇراما شتاتتارىن ءتىپتى دە قۇدىرەتتەندىرە تۇسەدى دەگەن باعاسىن دا بەردى.

كەزدەسۋدەن بەلگىلى بولعانداي ترامپ ازياداعى ءىرى يادرولىق قارۋعا يە ەلدەردى سولتۇستىك كورەيا ماسەلەسىن ورتاق شەشۋگە ارالاستىرۋ ءۇشىن قام قىلۋدا. ءۇندىستان باسشىسىمەن كەزدەسۋ كەزىندە دە سولتۇستىك كورەيا ماسەلەسىن ءسوز ەتىپ، ءۇندىستان تاراپىنان ناقتى قولداۋلار بار جوعىن اڭداپ كوردى. الايدا مودي سولتۇستىك كورەيا ءىسى تۋرالى اقش-تى قولدايتىنى تۋرالى سىڭاي تانىتىپ، ۋادە بەرمەدى.

“The Qazaq Times”