Foto: strategy2050.kz

Astana, Almatı jäne Qarağandı qalaları äuejaylarında ayıppwl töleuge arnalğan Qazpoştanıñ terminaldarı iske qosıldı. Klientke arnalğan bwl servis Bas prokuraturanıñ bastamasınmen Ädilet ministrligi, WQK, «Qazpoşta» AQ jäne Jeke sot orındauşılarınıñ respublikalıq palatasımen birlese jüzege asıp otır. Bwl turalı bas prokuraturanıñ baspasöz qızmeti habarladı. 

Bwğan deyin şetelge wşudı josparlağan qazaqstandıqtar ötelmegen ayıppwldarına baylanıstı reysterinen qalıp qoyatın, al osı servis arqılı azamattar jeke sot orındauşılarmen baylanıs jasamay, sol jerde ayıppwl boyınşa qarızın tekserip, bolğan jağdayda onı tölep jäne avtomattı türde el şekarasınan şığuğa rwqsat alu mümkindigine ie boladı.

Degenmen bwl 2015 jıldıñ 1 mausımınan keyin qoyılğan şekteulerge ğana äreket etedi.  Körsetilgen merzimge deyin şekteudi joyu bwrınğı tärtip boyınşa jürgiziledi (sot orındauşısına ayıppwldardıñ ötelgendigin rastaytın qwjattar beru).

Terminaldar Ädilet ministrliginiñ derekqorına biriktirilgen. Borıştıñ ötelgendigi turalı aqparat osı vedomstvonıñ derekqorına 15 minut işinde beriledi jäne el şekarasınan şığuğa qoyılğan şekteu 30 minut köleminde alınıp tastaladı.

Terminal arqılı tölenetin ayıppwl köleminiñ maksimaldı soması 2 mln teñgege deyin. Terminal arqılı ötemderge komissiya borış somasınıñ 1%-ın qwraydı, biraq  ärbir tölem üşin 100 teñgeden kem emes. Eger borış kölemi 2 mln teñge nemese odan joğarı bolsa, azamat Qazpoştanıñ kez kelgen bölimderinde tölem jürgize aladı.

Jaqın arada osınday terminaldar Aqtau men Şımkent qalalarında iske qosılatının atap ötken jön.

“The Qazaq Times”