Foto: Newspile.ru

Qazaqstan Respublikası Ükimetiniñ  2017 jılğı 20 mausımdağı №381 "Astana halıqaralıq äuejayın qayta atau turalı» qaulısına säykes, Astana äuejayına prezident Nwrswltan Nazarbaevtıñ atı beriletin boldı.

Qaulıda: «Qazaqstan Respublikasınıñ äkimşilik-aumaqtıq qwrılısı turalı» 1993 jılğı 8 jeltoqsandağı Qazaqstan Respublikasınıñ Zañınıñ 10-babınıñ 4-1) tarmaqşasına, «Qazaqstan Respublikasınıñ aumağındağı äuejaylarğa, porttarğa, temir jol vokzaldarına, temir jol stansalarına, metropoliten stansalarına, avtovokzaldarğa, avtostansalarğa, fizikalıq-geografiyalıq jäne meleket menşigindegi basqa da ob'ektilerge atau beru, sonday-aq olardı qayta atau, olardıñ ataularınıñ transkripciyasın naqtılau, özgertu jäne memlekettik zañdı twlğalarğa, jeke adamdardıñ esimin beru qağidaların bekitu turalı» Qazaqstan Respublikası Ükimetiniñ 1996 jılğı 5 naurızdağı № 281 qaulısına säykes Qazaqstan Respublikasınıñ Ükimeti qaulı etedi:

1. Astana halıqaralıq äuejayı «Nwrswltan Nazarbaev halıqaralıq äuejayı» bolıp qayta atalsın.

2.Osı qaulı alğaşqı resmi jariyalanğan künnen bastap qoldanısqa engiziledi» - dep, Qazaqstan Respublikası Prem'er-Ministri B. Sağıntaevpen bekitilgen.

Sonımen qatar deklaraciyada : «El Konstituciyasında Twñğış Prezident – Elbası Nwrswltan Äbişwlı Nazarbaevtıñ bizdiñ memleketimizdi qwrudağı biregey ülesin atap ötudi, Elbasınıñ esimin elordanıñ atauında jäne elimizdiñ basqa da mañızdı nısandarında  körsetudi wsınamız. Bizdiñ twtas maqsatımız – Elbası töñiregine toptasıp, eñ qımbat qazınamız – täuelsiz Qazaqstandı közimizdiñ qaraşığınday saqtap jäne wrpaqtarımızğa amanattap, «Mäñgilik El» qwndılıqtarın qasterleu», – delingen edi.

Halıqaralıq mañızdı nısandarğa prezidenttiñ atın beru basqa elderdiñ täjiribesinde kezdesedi. Mısalğa, Ündistannıñ birneşe qalalarındağı Halıqaralıq äuejaylarğa el tarihında eleuli ornı bar sayasatkerlerdiñ, wlt kösemderiniñ atı berilgen.

Al, körşiles Özbekstandağı Taşkent äuejayına da jaqın arada bwrınğı prezidenti Islam Kärimovtıñ atı berilgen. Äuejayğa Islam Kärimovtiñ esimin beru jönindegi şeşimge Özbekstannıñ qazirgi prezidenti Şavhat Mirzeev osı jılı, mamırdıñ 4 küni qol qoyğan bolatın.

"The Qazaq Times"