قازاقستان رەسپۋبليكاسى ۇكىمەتىنىڭ 2017 جىلعى 20 ماۋسىمداعى №381 "استانا حالىقارالىق اۋەجايىن قايتا اتاۋ تۋرالى» قاۋلىسىنا سايكەس، استانا اۋەجايىنا پرەزيدەنت نۇرسۇلتان نازارباەۆتىڭ اتى بەرىلەتىن بولدى.
قاۋلىدا: «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسىنىڭ زاڭىنىڭ 10-بابىنىڭ 4-1) تارماقشاسىنا، «قازاقستان رەسپۋبليكاسىنىڭ اۋماعىنداعى اۋەجايلارعا، پورتتارعا، تەمىر جول ۆوكزالدارىنا، تەمىر جول ستانسالارىنا، مەتروپوليتەن ستانسالارىنا، اۆتوۆوكزالدارعا، اۆتوستانسالارعا، فيزيكالىق-گەوگرافيالىق جانە مەلەكەت مەنشىگىندەگى باسقا دا وبەكتىلەرگە اتاۋ بەرۋ، سونداي-اق ولاردى قايتا اتاۋ، ولاردىڭ اتاۋلارىنىڭ ترانسكريپتسياسىن ناقتىلاۋ، وزگەرتۋ جانە مەملەكەتتىك زاڭدى تۇلعالارعا، جەكە ادامداردىڭ ەسىمىن بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1996 جىلعى 5 ناۋرىزداعى № 281 قاۋلىسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. استانا حالىقارالىق اۋەجايى «نۇرسۇلتان نازارباەۆ حالىقارالىق اۋەجايى» بولىپ قايتا اتالسىن.
2.وسى قاۋلى العاشقى رەسمي جاريالانعان كۇننەن باستاپ قولدانىسقا ەنگىزىلەدى» - دەپ، قازاقستان رەسپۋبليكاسى پرەمەر-ءمينيسترى ب. ساعىنتاەۆپەن بەكىتىلگەن.
سونىمەن قاتار دەكلاراتسيادا : «ەل كونستيتۋتسياسىندا تۇڭعىش پرەزيدەنت – ەلباسى نۇرسۇلتان ءابىشۇلى نازارباەۆتىڭ ءبىزدىڭ مەملەكەتىمىزدى قۇرۋداعى بىرەگەي ۇلەسىن اتاپ ءوتۋدى، ەلباسىنىڭ ەسىمىن ەلوردانىڭ اتاۋىندا جانە ەلىمىزدىڭ باسقا دا ماڭىزدى نىساندارىندا كورسەتۋدى ۇسىنامىز. ءبىزدىڭ تۇتاس ماقساتىمىز – ەلباسى توڭىرەگىنە توپتاسىپ، ەڭ قىمبات قازىنامىز – تاۋەلسىز قازاقستاندى كوزىمىزدىڭ قاراشىعىنداي ساقتاپ جانە ۇرپاقتارىمىزعا اماناتتاپ، «ماڭگىلىك ەل» قۇندىلىقتارىن قاستەرلەۋ»، – دەلىنگەن ەدى.
حالىقارالىق ماڭىزدى نىساندارعا پرەزيدەنتتىڭ اتىن بەرۋ باسقا ەلدەردىڭ تاجىريبەسىندە كەزدەسەدى. مىسالعا، ءۇندىستاننىڭ بىرنەشە قالالارىنداعى حالىقارالىق اۋەجايلارعا ەل تاريحىندا ەلەۋلى ورنى بار ساياساتكەرلەردىڭ، ۇلت كوسەمدەرىنىڭ اتى بەرىلگەن.
ال، كورشىلەس وزبەكستانداعى تاشكەنت اۋەجايىنا دا جاقىن ارادا بۇرىنعى پرەزيدەنتى يسلام كارىموۆتىڭ اتى بەرىلگەن. اۋەجايعا يسلام كارىموۆتىڭ ەسىمىن بەرۋ جونىندەگى شەشىمگە وزبەكستاننىڭ قازىرگى پرەزيدەنتى شاۆحات ميرزەەۆ وسى جىلى، مامىردىڭ 4 كۇنى قول قويعان بولاتىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر