Ibrahim Kalın. Foto: Gursesintour.com.

Türkiyanıñ Stambul qalasında, Türkiya Prezident apparatınıñ baspasöz mälimdemeşisi arab elderi jurnalisteriniñ baspasöz konferenciyasın basqarıp aştı. Ol mäjiliste keybir küşterdiñ Katar dağdarısınan paydalanıp öñirde Süriya soğısı jäne Iraktan bastalğan şep qalıptastıruğa tırısıp jatqanın aytıp ötti. Bwl turalı «Anatolı» aqparat agenttiginiñ resmi saytı jazdı.

Türkiya Prezident apparatınıñ  baspasöz mälimdemeşisi Ibrahim Kalın sözinde: «Keybir küşter, anığında öñirdiñ alasapırandığına müddeli bolıp otırğan küşter, Katar dağdarısı arqılı Şığanaq öñirinde jasandı jaña şep qalıptastıruğa ümitker. Alayda, öñirdegi elder bwl jasandı şepti qabıldamauı kerek», – dedi.

Arab elderi jurnalisteri Kalınnan Türkiya äskerleriniñ Katarğa barıp jatqanı turalı köbirek swraular qoydı. Bwl swraqtarğa Ibrahim Kalın: «Türkiya jaq eşbir elge naşar ıqpal tudırudı közdemeydi. Bwl äreketter Türkiya men Katar arasındağı ekijaqtı kelisimderdiñ nätijesinde orındalıp otır. Şığanaq elderinde önerkäsip äskeri qorğanıstı qajet etedi, äri eki el birlesken äskeri jattığular kelisimi bar» dep jauap berdi.

Kalın söz soñında Orta-Şığıstağı köptegen qayşılıqtar osı öñirdiñ mol baylığına degen jaman piğıldardan tuındap otırğanın aytıp ötti.

“The Qazaq Times”