يبراھيم كالىن. فوتو: Gursesintour.com.

تۇركيانىڭ ستامبۋل قالاسىندا، تۇركيا پرەزيدەنت اپپاراتىنىڭ ءباسپاسوز مالىمدەمەشىسى اراب ەلدەرى جۋرناليستەرىنىڭ ءباسپاسوز كونفەرەنتسياسىن باسقارىپ اشتى. ول ماجىلىستە كەيبىر كۇشتەردىڭ كاتار داعدارىسىنان پايدالانىپ وڭىردە ءسۇريا سوعىسى جانە يراكتان باستالعان شەپ قالىپتاستىرۋعا تىرىسىپ جاتقانىن ايتىپ ءوتتى. بۇل تۋرالى «اناتولى» اقپارات اگەنتتىگىنىڭ رەسمي سايتى جازدى.

تۇركيا پرەزيدەنت اپپاراتىنىڭ  باسپاسوز مالىمدەمەشىسى يبراھيم كالىن سوزىندە: «كەيبىر كۇشتەر، انىعىندا ءوڭىردىڭ الاساپىراندىعىنا مۇددەلى بولىپ وتىرعان كۇشتەر، كاتار داعدارىسى ارقىلى شىعاناق وڭىرىندە جاساندى جاڭا شەپ قالىپتاستىرۋعا ۇمىتكەر. الايدا، وڭىردەگى ەلدەر بۇل جاساندى شەپتى قابىلداماۋى كەرەك»، – دەدى.

اراب ەلدەرى جۋرناليستەرى كالىننان تۇركيا اسكەرلەرىنىڭ كاتارعا بارىپ جاتقانى تۋرالى كوبىرەك سۇراۋلار قويدى. بۇل سۇراقتارعا يبراھيم كالىن: «تۇركيا جاق ەشبىر ەلگە ناشار ىقپال تۋدىرۋدى كوزدەمەيدى. بۇل ارەكەتتەر تۇركيا مەن كاتار اراسىنداعى ەكىجاقتى كەلىسىمدەردىڭ ناتيجەسىندە ورىندالىپ وتىر. شىعاناق ەلدەرىندە ونەركاسىپ اسكەري قورعانىستى قاجەت ەتەدى، ءارى ەكى ەل بىرلەسكەن اسكەري جاتتىعۋلار كەلىسىمى بار» دەپ جاۋاپ بەردى.

كالىن ءسوز سوڭىندا ورتا-شىعىستاعى كوپتەگەن قايشىلىقتار وسى ءوڭىردىڭ مول بايلىعىنا دەگەن جامان پيعىلداردان تۋىنداپ وتىرعانىن ايتىپ ءوتتى.

“The Qazaq Times”