Osı jıldıñ soñına deyin bank sektorın sauıqtıru ayasında bankterge qarjı beriledi. Bwl turalı Wlttıq bank törağası Daniyar Aqışev Parlament palatalarınıñ birikken otırısında mälimdedi.
«Bankter öziniñ jwmısın naqtı körsete aluı üşin bank aktivterine bağalau jürgizudi josparlap otırmız. Degenmen olardıñ jwmıs jüyesi esepte körsetilgen deñgeyden de naşar boluı mümkin. Bar mäsele bank akcionerleriniñ kapitalğa aqşa qwyuuı kerektiginde bolıp otır. Qazirgi uaqıtta Wlttıq bank qarjınıñ belgili bir somasın bir uaqıtta qwyu mümkindigi ekonomikada jetkiliksiz ekenin tüsinedi", - dedi Aqışev.
Onıñ sözinşe, bank sektorın sauıqtıru bağdarlaması Wlttıq bank tarapınan resurstardı qamtamasız etuge qoldau körsetedi. Biraq mindetti türde akcionerlerdiñ proporcionaldı qatısuımen ayırbas arqılı boladı.
"YAğni memleket qarjı berse, akcionerlerge belgili bir uaqıt aralığına mindetter qoyıladı. Qazirgi kezde proporcionaldı somanı kapitalğa qwyu türinde salu boyınşa talqılau jürgizilip jatır. Bwl bankter jaqın jıldarı kapital ağınına ie boladı, olar problemaların şeşip, özderinde jinalıp qalğan kreditterdi esepten şığara aladı degendi bildiredi", - dedi Aqışev.
Ayta keteyik, bwğan deyin Qazkommercbank Qazaqstannıñ qor birjasına 2017 jılı 14 naurızda 200 mlrd teñge qarız alğanı turalı habarlağan edi.
