Kabuldağı jarılıstıñ saldarı. Foto: Sputnik International

Auğanstan Kabul qalasınan taratılğan soñğı mälimetterge qarağanda asa küşti jarılıstan qaza bolğandar sanı 80 adam dep twraqtandırdı. Al jaraqat alğandar sanı 350 adamnan asıp otır. Bwl turalı «Türik Tele-Radio» qızmetiniñ resmi saytı mälim etti.

Şeteldik aqparat qwraldarınıñ habarında qaza bolğandar arasında äyelder men balalardıñ da bar ekenin aytadı. Lañkestik şabuıl Kabuldağı Vazir Akbar Han ıqşamaudanında ornalasqan AQŞ, Ündistan jäne Germaniya elşilikteri mañında tuılğan.

Jarılıs sebebinen köptegen ğimarattardıñ terezeleri sınıp, qıruar avtokölikter ziyanğa wşıradı. Qazir qala işindegi atalğan ıqşam audanğa kiretin barlıq jol torabı jabıldı. Bwl Auğanstan tarihındağı saldarı auır lañkestik şabuıldardıñ biri bolıp sanaladı.

“The Qazaq Times”