Birikken Arab Ämirlikterindegi eñ iri megapolis Dubay qalası HHİ ğasırdağı jaña tehnalogiyalardı  kündelikti twrmısqa paydalanumen älemde köşbasşı bolıp tabıladı. Al qalada soñğı uaqıtta qoldanısqa engizilgen jaña innovaciyalıq  tehnalogiyalardıñ biri – robot-policiya fantastikalıq fil'mderdiñ aqiqatqa aynaluındağı qadamdardıñ biri ispetti.

Adam keypinde jasalğan Rim robotı 2011 jılı ispaniyalıq PAL Robotics kompaniyasında jasalğan. Robottardıñ mindeti – äuejay, mwrajay, auruhana sekildi qoğamdıq orındarda interaktivti habarlamanı taratu.

Rimdi jwmısqa beyimdeu şaraları Dubay policiyaları men PAL Robotics kompaniyasınıñ injinerlerimen jürgizilip, jwmıs 2016 jılı tolıq ayaqtalğan bolatın.

Qalalıq policiyanıñ bastığı, general Halid Naser Al'razuukidiñ CNN arnasına bergen swhbatında: «Robottar aldımen adamdar köp jüretin sauda ortalıqtarında, turistik orındarda sınaqtan ötkiziledi. Keyin robokoptarğa ayıppwldardı qabıldap, tärtip bwzuşılardı tirkep, azamattardıñ arızdarın saraptau da tapsırılatın boladı» - degen.

Qala äkimşiliginiñ josparına säykes, 2020 jılğa deyin robot-policiyalardıñ mobil'di nwsqaların şığarudı, al 2030 jılğa deyin tärtip saqşılarınıñ 25 payızın osı tektes robottar qamtitınday nätijege jetkizbek.

“The Qazaq Times”